ខេត្តមណ្ឌលគិរី ៖ ក្មេងប្រុសម្នាក់អាយុទើប៤ខែ បានរងរបួសក្បាលនិងត្រូវឪពុកបញ្ជូនទៅសង្គ្រោះបន្ទាន់ភ្លាមៗ ក្រោយពីឪពុកមាបង្កើតលេងកាំភ្លើងកែច្នៃផ្ទុះត្រូវ កាលពីវេលាម៉ោង៥ល្ងាចថ្ងៃទី២៣ ខែកក្កដា នៅភូមិពូរ៉ាដែតឃុំស្រែអំពូម ស្រុកពេជ្រាដា ។…
ខេត្តមណ្ឌលគិរី ៖ ក្មេងប្រុសម្នាក់អាយុទើប៤ខែ បានរងរបួសក្បាលនិងត្រូវឪពុកបញ្ជូនទៅសង្គ្រោះបន្ទាន់ភ្លាមៗ ក្រោយពីឪពុកមាបង្កើតលេងកាំភ្លើងកែច្នៃផ្ទុះត្រូវ កាលពីវេលាម៉ោង៥ល្ងាចថ្ងៃទី២៣ ខែកក្កដា នៅភូមិពូរ៉ាដែតឃុំស្រែអំពូម ស្រុកពេជ្រាដា ។
លោក តាត់ យ៉េន អធិការនគរបាលស្រុកពេជ្រាដ បានឲ្យដឹងថា មានករណីក្មេងប្រុសឈ្មោះ ចៀន ខ្វែក អាយុ៦ឆ្នាំ ជនជាតិព្នង រស់នៅក្នុងភូមិ ឃុំខាងលើ បានយកកាំភ្លើងកែច្នៃប្រើគ្រាប់កង់(គ្រាប់ឃ្លីដែក)មកបាញ់លេង បណ្តាលឲ្យប្លាតត្រូវក្មេងប្រុសឈ្មោះ កម បៀក អាយុ៤ខែ ចំក្បាលតែស្រាលទេ ខណៈម្តាយក្មេងប្រុសកំពុងដាំបាយជ្រូក ហើយឲ្យប្អូនស្រីម្នាក់អាយុ១១ឆ្នាំ ពប្អូនដើរលេងនៅមុខផ្ទះ ។
លោកអធិការបន្តថា ម្តាយក្មេងប្រុសដែលរងគ្រោះឈ្មោះ ចៀន តល អាយុ១៨ឆ្នាំ ចំណែកឪពុកឈ្មោះ
ប៊ុនធី កម អាយុ២១ឆ្នាំ ត្រូវបានសមត្ថកិច្ចហៅទៅអប់រំឲ្យឈប់ប្រើប្រាស់កាំភ្លើងកែច្នៃបន្តទៀត ។ រីឯ
ក្មេងប្រុសដែលត្រូវជាប្អូនបង្កើត ដោយនៅវ័យកុមារទើបមានអាយុ៦ឆ្នាំ ព្រមទាំងគ្មានពាក្យបណ្តឹង ផងនោះ ទើបសមត្ថកិច្ចបានត្រឹមហៅអប់រំណែនាំកុំឲ្យលេងឧបករណ៍ដែលបណ្តាលឲ្យមានគ្រោះថ្នាក់នៅថ្ងៃក្រោយ។
លោក ឡោ សុខា ស្នងការនគរបាលខេត្ត បានផ្តាំផ្ញើដល់បងប្អូនប្រជាពលរដ្ឋទាំងអស់ ដែលមានប្រើប្រាស់កាំភ្លើងកែច្នៃ សូមបញ្ឈប់ការប្រើប្រាស់ នឹងត្រូវយកទៅប្រគល់ជូនសមត្ថកិច្ច ជៀសវាងការប្រើប្រាស់ដោយខុសច្បាប់ ទោះជារបស់កែច្នៃ តែវាអាចបង្ករឲ្យមានគ្រោះថ្នាក់ដល់អាយុជីវិត ៕
ចែករំលែកព័តមាននេះ