ខេត្តកណ្ដាល ៖ សពមិនទាន់ស្គាល់អត្តសញ្ញាណម្នាក់ត្រូវបានប្រជាពលរដ្ឋប្រទះឃើញអណ្តែតទឹកទន្លេមេគង្គ កាលពីវេលាម៉ោង១២និង៣០នាទីថ្ងៃត្រង់ថ្ងៃទី២៦ កក្កដា នៅចំណុចមាត់ទន្លេ ភូមិកោះរះក្រោម ឃុំកោះរះ ស្រុកល្វាឯម ខេត្តកណ្តាល…
ខេត្តកណ្ដាល ៖ សពមិនទាន់ស្គាល់អត្តសញ្ញាណម្នាក់ត្រូវបានប្រជាពលរដ្ឋប្រទះឃើញអណ្តែតទឹកទន្លេមេគង្គ កាលពីវេលាម៉ោង១២និង៣០នាទីថ្ងៃត្រង់ថ្ងៃទី២៦ កក្កដា នៅចំណុចមាត់ទន្លេ ភូមិកោះរះក្រោម ឃុំកោះរះ ស្រុកល្វាឯម ខេត្តកណ្តាល ។
ភិនភាគសពជនរងគ្រោះ ភេទប្រុស អាយុប្រហែលក្រោម៤០ឆ្នាំ កម្ពស់១ម៉ែត្រ៧០ សម្បុរសណ្តែកបាយ មានពាក់ក្រវិលដែកនៅត្រចៀកខាងស្តាំ ពាក់អាវយឺតដៃខ្លីខៀវ ឆ្នូត ស មិនមានស្លៀកខោ ។
ប្រភពព័ត៌មានបានឱ្យដឹងថា កម្លាំងសមត្ថកិច្ចជំនាញ និងនគរបាលរដ្ឋបាលប៉ុស្តិ៍កោះរះ មេឃុំ ក្រុមប្រឹក្សាឃុំមេភូមិ ពេទ្យមណ្ឌលសុខភាពកោះរះ បានធ្វើការពិនិត្យសព ។ ពេលពិនិត្យសពបានឃើញមាន ៖ ភ្នែកលៀន, ធ្មេញខាំអណ្តាត, ហូរឈាមតាមច្រមុះ តាមមាត់, ក្រចកមានដី, ពោះមានទឹក, ធ្មេញល្អិត, នៅលើខ្លួនសពមិនមានស្លាកស្នាមអ្វីនោះទេ ។
ការសន្និដ្ឋានរបស់លោកគ្រូពេទ្យ និងសមត្ថកិច្ចជាជំហ៊ានដំបូង ជនរងគ្រោះខាងលើស្លាប់ដោយសារលង់ទឹក ។ បន្ទាប់មកសពត្រូវបានកប់រក្សាទុកនៅវត្ត ចាស់ភូមិកោះរះក្រោម ឃុំកោះរះ ស្រុកល្វាឯម ខេត្តកណ្តាល ដើម្បីស្រាវជ្រាវរកបងប្អូន និងក្រុមគ្រួសារមកទទួលយកសពទៅធ្វើបុណ្យតាមប្រពៃណី ។
សមត្ថកិច្ចក៏សូមប្រកាសរកសាច់ញាតិបងប្អូនជនរងគ្រោះតាមភិនភាគខាងលើនេះ បើសិនបងប្អូនមានសមាជិកគ្រួសារ ឬសាច់ញាតិ សូមធ្វើការទាក់ទងសមត្ថកិច្ចមូលដ្ឋាននៅទីកន្លែងប្រទះឃើញសព ៕
ចែករំលែកព័តមាននេះ