ខេត្តព្រះសីហនុ ៖ ក្រៅពីភារកិច្ចស្នូល នៃការងារការពារសន្តិសុខសុវត្ថិភាព កងកម្លាំងនគរបាលជាតិ ខេត្តព្រះសីហនុ កាលពីព្រឹកថ្ងៃទី២៥ កក្កដា លោកឧត្តមសេនីយ៍ទោ ជួន ណារិន្ទ ស្នងការខេត្ត បានដឹកនាំកម្លាំងទាំងអស់ នៃស្នងការដ្ឋាននគរបាលខេត្តព្រះសីហនុ បានយកនូវរទេះជនពិការ៨គ្រឿង អង្ករ និងមី ចុះទៅសួរសុខទុក្ខប្រជាពលរដ្ឋ និងជួយឧបត្ថម្ភជនពិការ និងពិការភាពចំនួន៨នាក់ (គ្រួសារ) ។
ក្នុងនោះលោកឧត្តមសេនីយ៍ ជួន ណារិន្ទ បានថ្លែងឲ្យដឹងថា បើទោះជាមានការងារមមាញឹកក្នុងការ បំពេញភារកិច្ច ការពារថែរក្សាសន្តិសុខ សណ្តាប់ធ្នាប់សង្គមយ៉ាងណាក្តី ក្នុងនាមលោកជាស្នងការនគរបាលមួយរូប និងសហការី បាន និងនៅគិតដល់ការងារធ្វើមនុស្សធម៌ លើជនក្រីក្រដូចជាពិការជើង ដើរមិនរួច បាននាំយករទេះរុញជនពិការចំនួន៨គ្រឿង អង្ករ និងមីមួយចំនួន ទៅសួរសុខទុក្ខប្រជាពលរដ្ឋ និងជួយឧបត្ថម្ភជនពិការ៨នាក់ នៅក្នុងមូលដ្ឋានសង្កាត់លេខ៣ ក្រុងព្រះសីហនុ ដែលមានលំនៅឋាន ដោយឡែកៗពីគ្នា នៅភូមិ៣ សង្កាត់លេខ៣ ក្រុងព្រះសីហនុ នោះ។
លោកស្នងការថ្លែងបន្តថា ពួកគាត់៨នាក់ជាមនុស្សចាស់មានជំងឺលើសឈាម ទឹកនោមផ្អែម ហើយពិការ មិនអាចដើរបាន និង២នាក់ទៀត ពិការពីកំណើត។ ដូចគ្នានោះលោកបានឧបត្ថម ១.ឈ្មោះ ជៀប មេសា ភេទស្រី អាយុ១២ឆ្នាំ ពិការពិកំណើត។ ២.ឈ្មោះ ស៊ីវ វិន ភេទប្រុស អាយុ៣០ពិការពីកំណើត។ ៣.ឈ្មោះ ឃិន ឃន ភេទប្រុស អាយុ៦៧ឆ្នាំ ជំងឺលើសឈាម។ ៤.ឈ្មោះ ស្រី ពាប់ ភេទស្រី អាយុ៩៦ឆ្នាំ ចាស់ជរា។ ៥.ឈ្មោះ ចាន់ សុភាព ភេទប្រុស អាយុ៤៨ឆ្នាំ ជំងឺលើសឈាម។
៦.ឈ្មោះ អ៊ុក យ៉ុន ភេទស្រី អាយុ៧៥ឆ្នាំចាស់ជរា។ ៧.ឈ្មោះ ស៊ុន វុទ្ធី ភេទប្រុស អាយុ៥០ឆ្នាំ ជំងឺលើសឈាម។ និង៨.ឈ្មោះ ឡេង សាមឿន ភេទស្រី អាយុ៦៥ឆ្នាំ។ អំណោយដែលលោក និងសហការីបានឧបត្ថម្ភជូនជនពិការ និងចាស់ជរាដើរមិនរួចទាំ៨នាក់នេះ ក្នុងម្នាក់ៗទទួលបានរទេះរុញសម្រាប់ជនពិការ១គ្រឿង អង្ករមួយបាវតូច និងមីចំនួន២កេះ។ លោកស្នងការខេត្តព្រះសីហនុថា កាលពីថ្ងៃទី២១ ខែកក្កដា កន្លងទៅនេះ លោកស្នងការនគរបាលខេត្តព្រះសីហនុ បានជូនអំណោយរទេះរុញ អង្ករ និងមី ជូនដល់ជនពិការនៅសង្កាត់លេខ៣ ចំនួន៥នាក់ មួយលើករួចមកហើយ ៖
១.ឈ្មោះ សួន សំបូរ ភេទប្រុស អាយុ៦២ឆ្នាំ, ២.ឈ្មោះ អ៊ឹង គឹមអ៊ី ភេទស្រី អាយុ៦៥ឆ្នាំ ៣.ឈ្មោះ វី ហាក់ ភេទស្រី អាយុ៧០ឆ្នាំ ៤.ឈ្មោះ ឈិន ឆេន ភេទស្រី អាយុ៦៨ឆ្នាំ ៥.ឈ្មោះ កែវ សុខា ភេទស្រី អាយុ៦៦ឆ្នាំ។ ជនពិការទាំងអស់នោះពួកគាត់ មានជំងឺប្រចាំកាយ និងចាស់ជរា មិនអាចដើរបានដូចគ្នា។ សរុបទាំងពីរលើកលោក និងសហការី បានឧបត្ថម្ភរទេះរុញជូនជនពិការ នៅសង្កាត់លេខ(៣)បានចំនួន១៣នាក់។ ក្នុងឱកាសនោះដែរប្រជាពលរដ្ឋជាជនពិការ និងក្រុមគ្រួសាររបស់ពួកគាត់ បានសម្ដែងនូវការរំភើបរីករាយ ថ្លែងអំណរគុណ ដល់លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត និងសហការីផងដែរ។ ក្រៅពីនេះលោកបានដឹកនាំនារីៗពេទ្យ នគរបាល២នាក់ចុះសួរសុខទុក្ខ ចែកថ្នាំពេទ្យ ជូនប្រជាពលរដ្ឋដែលមានជំងឺ ស្រាលៗ ដូចជាគ្រុនក្ដៅ ឈឺក្បាល ក្រពះ និង លើសឈាមជាដើម៕
ចែករំលែកព័តមាននេះ