ពិធីសំណេះសំណាល និងបើកប្រាក់របបសន្តិសុខសង្គមជូនដល់សមាជិកអតីតយុទ្ធជន
- បាត់ដំបង
ខេត្តបាត់ដំបង ៖ នៅថ្ងៃទី២៦ ខែកក្កដា ឆ្នាំ២០១៨ វេលាម៉ោង០៩ និង៣០នាទីព្រឹក លោក សុខ គង់…
ខេត្តបាត់ដំបង ៖ នៅថ្ងៃទី២៦ ខែកក្កដា ឆ្នាំ២០១៨ វេលាម៉ោង០៩ និង៣០នាទីព្រឹក លោក សុខ គង់…
ខេត្តបាត់ដំបង ៖ នៅថ្ងៃទី២៦ ខែកក្កដា ឆ្នាំ២០១៨ វេលាម៉ោង០៩ និង៣០នាទីព្រឹក លោក សុខ គង់ ទីប្រឹក្សារាជរដ្ឋាភិបាល ជាប្រធានក្រុមការងារចុះជួយស្រុកកំរៀង លោក អ៊ុក ឃ្នួច ប្រធានសមាគម អតីតយុទ្ធជនកម្ពុជាខេត្តបាត់ដំបង លោក សឿម ប៊ុនរិទ្ធ អភិបាលរងខេត្តបាត់ដំបង អញ្ជើញជាអធិបតីក្នុងពិធីសំណេះសំណាល និងបើកប្រាក់របបសន្តិសុខសង្គម ជូនដល់សមាជិក អតីតយុទ្ធជនកម្ពុជាស្រុកកំរៀង និងស្រុកភ្នំព្រឹក ខេត្តបាត់ដំបង។
អញ្ជើញចូលរួមក្នុងពិធីមាន៖ លោក ហេង វង្សធីរិទ្ធ នាយករង បេឡាជាតិអតីតយុទ្ធជន លោក គឹម តេង ប្រធានមន្ទីរសង្គមកិច្ចខេត្ត អនុប្រធានប្រចាំការ ស.អ.ក ខេត្ត លោកប្រធានក្រុមប្រឹក្សាស្រុក លោកអភិបាលស្រុក លោកសមាជិក គណៈកម្មាធិការ ស.អ.ក ខេត្ត ក្រុមការងារ ស.អ.ក ខេត្ត/ស្រុក លោកប្រធាន អនុប្រធានសាខាឃុំ អាជ្ញាធរដែនដីសរុបចំនួន៤៥នាក់ នៅសាលប្រជុំសាលាស្រុកកំរៀង ស្ថិតនៅភូមិអូរដារ ឃុំអូរដារ ស្រុកកំរៀង ខេត្តបាត់ដំបង។ ពិធីសំណេះសំណាល និងបើកប្រាក់របបសន្តិសុខសង្គមជូនដល់សមាជិក អតីតយុទ្ធជនចំនួន៣០០នាក់ មកពីស្រុកកំរៀង២៣២នាក់ ស្រុកភ្នំព្រឹក៦៨នាក់ សរុបថវិកាអស់ ១,៥៤៥,២០៩,៤០០រៀល។
ពិធីនេះ លោក សឿម ប៊ុនរិទ្ធ អភិបាលរង ខេត្តបាត់បង មានមតិសំណេះសំណាលផ្តាំផ្ញើដល់សមាជិកអតីតយុទ្ធទាំងអស់ កុំឲ្យ ជឿតាមការញុះញុងរបស់ក្រុម អគិតិមួយក្តាប់តូចតែងតែលាបពណ៌ ប៉ុនប៉ងផ្តួលរលំរដ្ឋាភិបាលស្របច្បាប់។ បន្ទាប់មក លោក អ៊ុក ឃ្នួច ប្រធាន ស.អ.ក ខេត្តបាត់បង បានបង្ហាញនូវលទ្ធផលរបស់សមាគមដែលធ្វើបានកន្លងមក និងពន្យល់ដល់សមាជិកពីអត្ថប្រយោជន៍ជាច្រើនក្នុងការចូលសមាគម ការយកចិត្តទុកដាក់ពីសម្តេច តេជោចំពោះបងប្អូនអតីតយុទ្ធជនដែលបានលះបង់សាច់ស្រស់ឈាមស្រស់ដើម្បីបុព្វការពាជាតិមាតុភូមិកន្លងមក។
ក្នុងឪកាសនេះដែរលោក ទីប្រឹក្សារាជរដ្ឋាភិបាល ប្រធានក្រុមការងារចុះជួយស្រុកកំរៀង បានផ្តាំផ្ញើសួរសុខទុក្ខពីសម្តេច អគ្គមហាសេនាបតី តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ហើយក៏បានសុំឲ្យបងប្អូនអតីតយុទ្ធជនត្រូវចេះរួបរួមសាមគ្គីគ្នា ចេះគោរពស្រឡាញ់គ្នាទៅវិញទៅមក។ ទន្ទឹមនោះដែរត្រូវជឿជាក់ស្មោះស្ម័គ្រ គាំទ្រ ការដឹកនាំ របស់សម្តេចតេជោ ជាប្រធានសមាគមអតីតយុទ្ធជនកម្ពុជា និងសុំឲ្យអតីតយុទ្ធជនទាំងអស់ ត្រូវណែនាំបងប្អូនកូនចៅទៅបោះឆ្នោត ជូនសម្តេចតេជោ ដើម្បីដឹកនាំប្រទេសជាតិ ឲ្យកាន់តែមានការអភិវឌ្ឍន៍រីកចម្រើនបន្តទៀត៕
ចែករំលែកព័តមាននេះ