រាជធានីភ្នំពេញ ៖ គណៈបញ្ជាការឯកភាពខណ្ឌឬស្សីកែវបានជួបប្រមូលផ្តុំត្រួតពិនិត្យកងកម្លាំង និងធ្វើការណែនាំឲ្យយកចិត្តទុកដាក់ក្នុងការពារសន្តិសុខ សុវត្តិភាព សណ្តាប់ធ្លាប់ធ្វើយ៉ាងណាឲ្យដំណើរការបោះឆ្នោតជ្រើសតាំងតំណាងរាស្ត្រនីតិកាលទី៦ប្រព្រឹត្តិទៅដោយរលូន ។ ការជួបប្រមូលផ្តុំកម្លាំងនេះបានធ្វើឡើងនៅរសៀលថ្ងៃទី២៦ ខែកក្កដា ឆ្នាំ២០១៨នេះ…
រាជធានីភ្នំពេញ ៖ គណៈបញ្ជាការឯកភាពខណ្ឌឬស្សីកែវបានជួបប្រមូលផ្តុំត្រួតពិនិត្យកងកម្លាំង និងធ្វើការណែនាំឲ្យយកចិត្តទុកដាក់ក្នុងការពារសន្តិសុខ សុវត្តិភាព សណ្តាប់ធ្លាប់ធ្វើយ៉ាងណាឲ្យដំណើរការបោះឆ្នោតជ្រើសតាំងតំណាងរាស្ត្រនីតិកាលទី៦ប្រព្រឹត្តិទៅដោយរលូន ។
ការជួបប្រមូលផ្តុំកម្លាំងនេះបានធ្វើឡើងនៅរសៀលថ្ងៃទី២៦ ខែកក្កដា ឆ្នាំ២០១៨នេះ នៅសួនច្បារមុខឃ្លាំងសាំងសូគីម៉ិច ក្នុងសង្កាត់ឬស្សីកែវ ដោយមានការចូលរួមពីលោក ជា ពិសី ប្រធានគណៈបញ្ជាការឯកភាពខណ្ឌឬស្សីកែវ និងលោកឧត្តមសេនីយ៍ត្រីពិត បញ្ញា ស្នងការរងនគរបាលរាជធានីភ្នំពេញ ព្រមទាំងមានការចូលរួមពីនាយការិយាល័យ អធិការ នគរបាលខណ្ឌ មេបញ្ជាកងរាជអាវុធហត្ថ និងកងកម្លាំង ,សណ្តាប់ប្រជាការពារមន្ត្រីរាជការការប្រមាណ៧០០នាក់ ។
លោកវរៈសេនីយ៍ ឯក ទៀង ច័ន្ទសារអធិការខណ្ឌឬស្សីកែវបានអានរបាយការណ៍ស្វាគមន៍ឲ្យដឹងថា ដើម្បីឲ្យដំណើរបោះឆ្នោតជ្រើសតាំងតំណាងរាស្ត្រនីតិកាលទី៦ ប្រព្រឹត្តិទៅបានល្អប្រសើរ និងទទួលបានជោគជ័យតាមការគ្រោងទុកក្នុងនោះកងកម្លាំងនៃអធិការដ្ឋានខណ្ឌឬស្សីកែវទាំងអស់ និងកម្លាំងតាមបណ្តាអង្គភាពពាក់ព័ន្ធដែលបានមកសហការណ៍បានធ្វើការប្តេជ្ញាចិត្តខ្ពស់ រួមគ្នាសម្រេចឲ្យបានការងារការពារជាអាទិដូចខាងក្រោម ទី១- ធានាការពារឲ្យបានសន្តិសុខសណ្តាប់ធ្លាប់សុវត្តិភាពសាធារណៈសម្រាប់ដំណើរការបោះឆ្នោតការប្រកាសលទ្ធផលបោះឆ្នោត និងការពារសុវត្ថិភាពទាំងស្រុងជួនឥស្សជននយោបាយ បេក្ខជនឈរឈ្មោះឆ្នោះឆ្នោត អ្នកសង្កេតការណ៍ជាតិ អន្តរជាតិ មន្ត្រីរៀបចំការបោះឆ្នោតអ្នកមានសិទ្ធិបោះឆ្នោតទីស្នាក់ការបក្សនយោបាយទីតាំងយុទ្ធនាការបោះឆ្នោត និងរាប់សន្លឹកឆ្នោតត្រូវបានបញ្ចប់ ។
ទី២- ទប់ស្កាត់ទាន់ពេលវេលារាល់សកម្មភាពរបស់ក្រុមប្រឆាំង ក្រមសម្ព័ន្ធ អមិត្តទាំងក្នុង និងក្រៅប្រទេសដែលកំពុងខិតខំរិះរកគ្រប់វិធី ដើម្បីញុះញង់បង្កជាឧបសគ្គឈានទៅបំផ្លាញការបោះឆ្នោតធ្វើឲ្យប្រជាពលរដ្ឋភ័យខ្លាចមិនហ៊ានទៅចូលរួមបោះឆ្នោត ដើម្បីចាត់វិធានការតាមច្បាប់ ។ ទី៣- រួមគ្នាបង្ការទប់ស្គាត់ទាន់ពេលនូវគ្រប់ឧបសគ្គឆ្លៀតឱកាសទាញយកបញ្ហានយោបាយ ដើម្បីឆ្លៀតធ្វើកម្មភាពវិច្ឆេទកម្មសេដ្ឋកិច្ចតាមរយៈតម្លៃទំនិញដែលបង្កការលំបាកដល់ជីវភាពប្រជាពលរដ្ឋ ។
លោកអធិការក៏បានឲ្យដឹងទៀតថា នៅក្នុងខណ្ឌឬស្សីកែវមានស្នាក់ CEC ចំនួន៧ស្នាក់ការ , ទីតាំងបោះឆ្នោតចំនួន១៩ទីតាំង , ការិយាល័យបោះឆ្នោតចំនួន២០១ ការិយាល័យ ។
ដោយឡែកកម្លាំងនគរបាលដែលបានទទួលបញ្ជាការពារនៅក្នុងមូលដ្ឋានខណ្ឌឬស្សីកែវ ចំនួន៤១៦នាក់ និងមួយចំនួនទៀតសម្រាប់អន្តរាគមន៍ ។ នៅក្នុងឱកាសនោះដែរលោក ជា ពិសីក៏បានផ្តាំផ្ញើការសាកសួរសុខទុក្ខ និងនឹករលឹកពីសំណាក់សម្តេចតេជោ ហ៊ុន សែន និងលោក ឃួង ស្រេងអភិបាលរាជធានីភ្នំពេញជួនចំពោះកងកម្លាំងប្រដាប់អាវុធហត្ថទាំងអស់ ដែលជានិច្ចកាលសម្តេច លោកតែងតែយកចិត្តដាក់គិតគូរពីសុខទុក្ខកងកម្លាំងគ្រប់ពេលវេលា ៕
ចែករំលែកព័តមាននេះ