ខេត្តកំពង់ចាម ៖ កងកម្លាំងនគរបាលចំនួន២៤០នាក់ បានទទួលការហ្វឹកហាត់លើជំនាញទប់ទល់បាតុកម្មកូដកម្ម រយៈពេលមួយសប្តាហ៍ត្រូវបានបិទវគ្គ ដោយបានធ្វើឡើងនៅព្រឹកថ្ងៃទី២៦ កក្កដា ២០១៨ នៅមុខសាលប្រជុំធំ ក្នុងបរិវេណស្នងការដ្ឋាននគរបាលខេត្ត ។ ហើយកម្លាំងអន្តរាគមន៍ពិសេសនេះក៏នឹងត្រៀមសម្រាប់ចេញជួយពលរដ្ឋរងគ្រោះ ដោយគ្រោះទឹកជំនន់ពីទន្លេមេគង្គផងដែរ ។
លោកឧត្តមសេនីយ៍ត្រី សាន សុភា ស្នងការរងនគរបាលខេត្តទទួលផែនការងារគ្រប់គ្រងធនធានមនុ
ស្ស បានឲ្យដឹងថា ផ្អែកតាមអនុសាសន៍របស់នាយឧត្តមសេនីយ៍អគ្គស្នងការនគរបាលជាតិ និងដោយមានការជួយឧបត្ថម្ភពីលោកអភិបាលខេត្ត នាយកដ្ឋានបណ្តុះបណ្តាល និងដោយបានការយកចិត្តពី
លោកឧត្តមសេនីយ៍ទោ ឯម កុសល ស្នងការនគរបាលខេត្តបានធ្វើការបើកវគ្គ និងបិទវគ្គសិក្សាជាបន្ត
បន្ទាប់ ស្របតាមគោលនយោបាយរបស់រាជរដ្ឋាភិបាលក្នុងការកែទម្រង់ដល់កងកម្លាំងនគរបាលជាតិ
និងតាមសភាពការអភិវឌ្ឈន៍រីកចម្រើនរបស់ប្រទេសជាតិនាពេលបច្ចុប្បន្ននេះ ។
លោកឧត្តមសេនីយ៍ត្រី សាន សុភា ស្នងការរងនគរបាលខេត្តបន្តថា វគ្គបំប៉នជំនាញទប់ទល់បាតុកម្ម កូដកម្ម (អន្តរាគមន៍ពិសេស) ដែលមានកម្លាំងសរុបចំនួន២៤០នាក់ មកពីតាមការិយាល័យជំនាញចំណុះឲ្យស្នងការដ្ឋាននគរបាលខេត្ត ។
ក្នុងនោះសិក្ខាកាមដែលទទួលបានលទ្ធផលនិទ្ទេសល្អចំនួន១០០នាក់ និទ្ទេសល្អបង្គួរចំនួន៧០នាក់ និងនិទ្ទេសមធ្យមចំនួន៧០នាក់ផងដែរ ។ ជាមួយនោះសិក្ខាកាមបានទៅបញ្ចេញសមត្ថភាពជាក់ស្តែងនៅក្នុងបរិវេណទីលានស្តាតបាល់ទាត់ខេត្ត ដើម្បីបង្ហាញពីអ្វីដែលបានរៀនសូត្រឃើញថា ពិតជាទទួលយកបាន ។
លោកឧត្តមសេនីយ៍ត្រី ហេង សម្បត្តិ ស្នងការរងនគរបាលខេត្តទទួលផែនសេនាធិការមានប្រសាសន៍
ឲ្យដឹងដែរថា ការរៀបចំកងអន្តរាគន៍ត្រូវបានរៀបចំដល់ទៅ៥៥០នាក់ ដើម្បីរៀបចំកិច្ចការពារដំណើរ
ការបោះឆ្នោតតំណាងរាស្ត្រីនីតិកាលទី៦ ដែលប្រព្រឹត្តទៅថ្ងៃទី២៩ កក្កដាខាងមុខ ។ វគ្គនេះក្នុងនាមស្ន
ងការសូមកោតសសើរដល់គ្រូបង្វឹកចំនួន០៣នាក់ ដល់សិក្ខាកាមចំនួន២៤០នាក់ ។
ជាមួយនោះក៏មានកិច្ចការជំនាញផ្សេងៗទៀត ត្រៀមជួយពលរដ្ឋដែលរងគ្រោះដោយទឹកជំនន់ពីទន្លេមេគង្គ ។ ព្រោះថា តាមរយៈការប្រកាសរបស់ក្រសួងធនធានទឹកថា ទំនប់វារីអគ្គិសនីនៅប្រទេសឡាវដែលមានចម្ងាយពីព្រំដែនខេត្តស្ទឹងត្រែង៧០គីឡូម៉ែត្រ ។
គណៈកម្មការរៀបចំការបោះឆ្នោតខេត្ត បានជួនដំណឹងថា នៅតាមតំបន់មួយចំនួនជាប់ទន្លេមេគង្គអាចមានការិយាល័យបោះឆ្នោត ត្រូវរៀបចំធ្វើសម្រាប់កល់ហឹបឆ្នោត និងបន្ទប់សង្ងាត់បោះឆ្នោត ហើយសមត្ថកិច្ចរាប់រយនាក់នេះនឹងចេញទៅជួយការពារដល់ដំណើរការបោះឆ្នោតឲ្យប្រព្រឹត្តទៅដោយរលូន ៕
ចែករំលែកព័តមាននេះ