ខេត្តស្ទឹងត្រែង ៖ សេចក្តីរាយការណ៍បានឱ្យដឹងថា ស្ថានភាពទឹកជំនន់នៅស្រុកសៀមប៉ាង មកទល់ព្រឹកថ្ងៃទី២៦ កក្កដា នេះ គឺធ្វើឱ្យប៉ះពាល់ដល់ទីតាំងបោះឆ្នោតចំនួន៧ការិយាល័យ ក្នុងចំណោម២៦ការិយាល័យ ស្ថិតនៅក្នុងស្រុកសៀមប៉ាង ខណៈដែលទឹកទន្លេសេកុង បានឡើងដល់កម្ពស់១១.៩០ម៉ែត្រហើយនោះ ។
សេចក្តីរាយការណ៍បន្តថា ការិយាល័យដែលរងប៉ះពាល់ទឹក មានការិយាល័យ(0069) នៅក្នុងភូមិកែងញ៉ៃ, ការិយាល័យ(0089) នៅក្នុងភូមិស្រែប្ញស្សី, ការិយាល័យ(0077) នៅក្នុងភូមិទាកទាម, ការិយាល័យ(0079) នៅក្នុងភូមិអូរចាយ, ការិយាល័យ(0238) នៅភូមិកោះប្ញស្សី, ការិយាល័យ(0239) នៅភូមិអូរដាកលាវ, ការិយាល័យ(0094) នៅភូមិកាំស្ពឺ និងការិយាល័យ (0095) នៅក្នុងភូមិលាយ ។ នេះបើយោងតាមការឱ្យដឹងពីអាជ្ញាធរខេត្តស្ទឹងត្រែង ។
គួរបញ្ជាក់ថា គិតមកត្រឹមម៉ោង០៨ និង៣០នាទីព្រឹកថ្ងៃដដែលនេះ ទឹកទន្លេសេកុងបានបន្តហក់ឡើងកម្ពស់ ១១.៩០ម៉ែត្រ ដែលលើសកម្រិតត្រូវប្រកាសអាសន្ន ។
លោក ម៉ុម សារឿន អភិបាលខេត្តស្ទឹងត្រែង កំពុងដឹកនាំក្រុមការងារនៅមូលដ្ឋានផ្ទាល់ក្នុងស្រុកសៀមប៉ាង ខេត្តស្ទឹងត្រែង ដើម្បីតាមដានសភាពការណ៍ទឹកជំនន់ ដែលកំពុងកើនឡើងជាលំដាប់ និងបន្តជម្លៀសបងប្អូនប្រជាពលរដ្ឋទៅកាន់ទីទួលសុវត្ថិភាព។
ទឹកទន្លេសេកុងហក់ឡើងកម្ពស់នេះ គឺដោយសារការហូរចូលទឹកជំនន់ពីការបាក់ទំនប់វារីអគ្គិសនី សេពានសេណាមណយ ស្ថិតនៅខេត្តអត្តពឺ ប្រទេសឡាវ មានចម្ងាយប្រមាណ ៧០គីឡូម៉ែត្រ ពីព្រំដែនកម្ពុជា-
ឡាវ។
ចែករំលែកព័តមាននេះ