រាជធានីភ្នំពេញ ៖ បុរស២នាក់ជិះម៉ូតូមួយគ្រឿងលឿនពេកបានជ្រុលទៅបុកម៉ូតូនគរបាលខណ្ឌឬស្សីកែវ បណ្តាលឲ្យដួលរងរបួស ហើយខូចខាតម៉ូតូអត់មានលុយសងបានលើកដៃសំពះនគរបាល ហេតុការណ៍នេះបង្កឲ្យមានការភ្ញាក់ផ្អើលកាលពីម៉ោង10និង15នាទីយប់ ថ្ងៃទី២៥ ខែកក្កដា ឆ្នាំ២០១៨ តាមបណ្តោយផ្លូវជាតិលេខ៥…
រាជធានីភ្នំពេញ ៖ បុរស២នាក់ជិះម៉ូតូមួយគ្រឿងលឿនពេកបានជ្រុលទៅបុកម៉ូតូនគរបាលខណ្ឌឬស្សីកែវ បណ្តាលឲ្យដួលរងរបួស ហើយខូចខាតម៉ូតូអត់មានលុយសងបានលើកដៃសំពះនគរបាល ហេតុការណ៍នេះបង្កឲ្យមានការភ្ញាក់ផ្អើលកាលពីម៉ោង10និង15នាទីយប់ ថ្ងៃទី២៥ ខែកក្កដា ឆ្នាំ២០១៨ តាមបណ្តោយផ្លូវជាតិលេខ៥ ស្ថិតនៅក្នុងសង្កាត់គីឡូលេខ៦ ខណ្ឌឬស្សីកែវ ។
បើតាមសាក្សីឃើញហេតុការណ៍ឱ្យដឹងថា មុនកើតហេតុ គេឃើញបុរសម្នាក់ជានគរបាលនៅខណ្ឌឬស្សីកែវ បើកម៉ូតូមួយគ្រឿងម៉ាក PCX ពណ៌ក្រហម ពាក់ស្លាកលេខភ្នំពេញ 1BH4302 តាមបណ្តោយផ្លូវជាតិលេខ៥ ពីត្បូងទៅជើង ខណៈមកដល់ចំណុចកើតហេតុ ស្រាប់តែមានបុរស២នាក់ជិះម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ស៊េរី២០១៥ ពាក់ស្លាកលេខភ្នំពេញ 1FR9528 បើកតាមបណ្តោយផ្លូវជាតិលេខ៥ ពីជើងទៅត្បូងក្នុងល្បឿនយ៉ាងលឿន ទោះបីជាម៉ូតូនគរបាលខំបើកគេចឱ្យផុតយ៉ាងណាក៏ដោយ ក៏ម៉ូតូហុងដាឌ្រីមបើកទៅបុកចំជំហៀងខាងស្តាំពេញទំហឹង បណ្តាលឱ្យរងរបួសស្រាលទាំង៣នាក់ ចំណែកឯម៉ូតូរងការខូចខាត ។
តាមសាក្សីបន្តទៀតថា ភ្លាមៗនោះដែរ ខាងម៉ូតូបង្កដឹងថា ខ្លួនឯងខុសក៏សុខចិត្តសងសំណង ប៉ុន្តែមានលុយតែ10ម៉ឺនរៀលក្នុងខ្លួន រីឯខាងម៉ូតូរងគ្រោះអត់ព្រមយកទេ ព្រោះម៉ូតូខូចខាតអស់ប្រមាណ200$ឯណោះ ស្រាប់តែខាងម៉ូតូបង្កលើកដៃសំពះខាងជនរងគ្រោះអស់រយៈពេលជិះមួយម៉ោង ទើបមានលោកអធិការរងម្នាក់ជួយចេញចំនួន10ម៉ឺនរៀលទៀត ពីព្រោះគាត់អាណិតខាងម៉ូតូហុងដាឌ្រីមដែលសំពះយូរពេក ។
ក្រោយពេលកើតហេតុខាងម៉ូតូជនរងគ្រោះសុខចិត្តទទួលយកប្រាក់ចំនួន២០ម៉ឺនរៀល ដើម្បីបញ្ចប់រឿងនៅនឹងកន្លែងកើតហេតុ ៕
ចែករំលែកព័តមាននេះ