រាជធានីភ្នំពេញ ៖ ក្រុមហ៊ុនក្រេឌីត ប្យូរ៉ូ ខេមបូឌា (Credit Bureau Cambodia) ដែលជាក្រុមហ៊ុន គ្រប់គ្រងទិន្នន័យរបស់ធនាគារ និងមីក្រូហិរញ្ញវត្ថុនៅក្នុងប្រទេសកម្ពុជា បានរៀបចំកម្មវិធីជួបជុំ និងធ្វើសិក្ខាសាលាមួយគម្រប់ខួបមួយឆ្នាំរបស់ខ្លួននៅក្នុងប្រទេសកម្ពុជា ។ កម្មវិធីជួបជុំ និងធ្វើសិក្ខាសាលានេះ ត្រូវបានរៀបចំធ្វើឡើងកាលពីថ្ងៃទី២៨ មីនា នៅសណ្ឋាគារ អាំងទែកុង
រាជធានីភ្នំពេញ ៖ ក្រុមហ៊ុនក្រេឌីត ប្យូរ៉ូ ខេមបូឌា (Credit Bureau Cambodia) ដែលជាក្រុមហ៊ុន គ្រប់គ្រងទិន្នន័យរបស់ធនាគារ និងមីក្រូហិរញ្ញវត្ថុនៅក្នុងប្រទេសកម្ពុជា បានរៀបចំកម្មវិធីជួបជុំ និងធ្វើសិក្ខាសាលាមួយគម្រប់ខួបមួយឆ្នាំរបស់ខ្លួននៅក្នុងប្រទេសកម្ពុជា ។ កម្មវិធីជួបជុំ និងធ្វើសិក្ខាសាលានេះ ត្រូវបានរៀបចំធ្វើឡើងកាលពីថ្ងៃទី២៨ មីនា នៅសណ្ឋាគារ អាំងទែកុងទីណង់តាល់ រាជធានីភ្នំពេញ ដែលមានថ្នាក់ដឹកនាំ និងតំណាងធនាគារ មីក្រូហិរញ្ញវត្ថុនៅក្នុងប្រទេសកម្ពុជាចូលរួមប្រមាណជាង៣០០នាក់ ហើយក៏មានការអញ្ជើញចូលរួមជាអធិបតីពីសំណាក់លោកជំទាវ នាវ ច័ន្ទថាណា អគ្គទេសាភិបាលរងធនាគារជាតិនៃកម្ពុជាដែរ ។
លោកជំទាវនាវ ច័ន្ទថាណា អគ្គទេសាភិបាលរងធនាគារជាតិនៃកម្ពុជា ដែលបានអញ្ជើញជាអធិបតីក្នុងកម្មវិធីនោះបានថ្លែងថា ជាមួយនឹងកំណើនផលិតផលក្នុងស្រុកនៅតែបន្តកើនឡើង ការប្រមើមើលរបស់ជាតិយើងក្នុងឆ្នាំ២០១៣ នៅតែមានភាពវិជ្ជមានដែលមិនគួរឱ្យជឿ ។ បញ្ហានេះក៏ដូចទៅនឹងបណ្តាប្រទេសដទៃទៀតដែរ យើងតែងតែរំពឹងទុកថា កំណើនមួយភាគធំគឺបានមកពីការបរិច្ចាគនៃវិស័យឯកជនដ៏រឹងមាំមួយ ជាពិសេសវិស័យសេវាកម្មពាណិជ្ជកម្ម វិស័យអចលនទ្រព្យសំណង់អគារធំ ៗនិងវិស័យធនាគារ ។
លោកជំទាវបន្តថា មូលធនហិរញ្ញវត្ថុមានលក្ខណៈងាយស្រួលក្នុងការស្វែងរកជាងមុនសម្រាប់ផ្តល់ជូនទៅដល់ប្រជាជនទាំងឡាយណាដែលត្រូវការវា ដើម្បីពង្រីកអាជីវកម្មរបស់ខ្លួន ។ ទន្ទឹមគ្នានេះដែរ ក្រុមហ៊ុនក្រេឌីត ប្យូរ៉ូ ខេមបូឌា ក៏បានដើរតួនាទីយ៉ាងសំខាន់ក្នុងការការពារប្រជាជនទាំងអស់ ដែលងាយរងគ្រោះដោយកត្តាបំណុលវ័ណ្ឌ.ក ដោយមិនឱ្យធ្លាក់ទៅក្នុងបំណុលកាន់តែជ្រៅទៅៗ ហើយមិនអាចមានលទ្ធភាពសងបំណុលបាន ។
លោកLYTHGOE ANTONY ប្រធានហេដ្ឋារចនាសម្ព័ន្ធហិរញ្ញវត្ថុ សារជីវកម្មហិរញ្ញវត្ថុអន្តរជាតិ មានប្រសាសន៍ថា ប្រព័ន្ធរបាយការណ៍ឥណទានដើរជាតួនាទីដ៏មានតម្លៃ និងមានសារសំខាន់បំផុតមួយនៅក្នុងរយៈពេលប៉ុន្មានឆ្នាំកន្លងមកនេះ ក្នុងការផ្តល់ជាជំនួយស្វែងរកឥណទាន ។ ការពន្យល់ឱ្យអតិថិជនយល់ដឹងអំពីប្រវត្តិឥណទាន បានបង្កើតនូវសមត្ថភាពសងបំណុលរបស់ពួកគាត់ ទន្ទឹមនឹងនេះដែរ ក៏បានផ្តល់នូវភាពងាយស្រួលក្នុងការស្វែងរកឥណទាន ហើយវាក៏ជំរុញឱ្យមានគុណភាពក្នុងការផ្តល់ឥណទានផងដែរ ។ ការផ្តល់នូវប្រវត្តិឥណទានដ៏ពេញលេញ និងត្រឹមត្រូវមួយ និងផ្តល់នូវការវិនិច្ឆ័យទៅលើការគ្រប់គ្រងបំណុលយ៉ាងល្អដល់ម្ចាស់ឥណទានទាំងឡាយ ហើយវាក៏អាចរារាំងអតិថិជនទាំងអស់មិនឱ្យមានបំណុលវ័ណ្ឌ.កផងដែរ ។
លោក GARRY WOOD អគ្គនាយកប្រតិបត្តិក្រុមហ៊ុន ក្រេឌីតប្យូរ៉ូ ខេមបូឌា ក៏បានឱ្យដឹងដែរថា ជាមួយគោលការណ៍ឥណទានដ៏មានតម្លាភាព និងសុវត្ថិភាព ព្រះរាជាណាចក្រកម្ពុជា កំពុងក្លាយទៅជាតំបន់ទាក់ទាញដល់អ្នកវិនិយោគកម្ចីមូលធនក៏កាន់តែមានភាពងាយស្រួល ចំណែកឯប្រជាជនដែលកំពុងមានបំណុលស្រាប់ក៏ត្រូវបានការពារមិនឱ្យមានបំណុលវ័ណ្ឌ.ក ។ នៅពេលដែលការប្រតិបត្តិនេះអនុវត្តបានជោគជ័យ យើងទាំងអស់គ្នានឹងអាចចូលរួមកាត់បន្ថយភាពក្រីក្រនៅក្នុងប្រទេសកម្ពុជា ហើយនឹងអាចធ្វើឱ្យមានភាពងាយស្រួលក្នុងការស្វែងរកមូលធនឥណទាន ។
លោកបន្តថា នៅក្នុងឆ្នាំ២០១៣ ក្រុមហ៊ុនក្រេឌីត ប្យូរ៉ូ ខេមបូឌា បានឧត្ថម្ភកម្មវិធីសង្គមមួយចំនួនដើម្បីផ្តល់នូវអត្ថប្រយោជន៍ទៅដល់សង្គមអំពីការផ្តល់ឥណទានដោយមានការទទួលខុសត្រូវ ហើយក៏ដើម្បីផ្សព្វផ្សាយទៅដល់គ្រប់អតិថិជនឱ្យបានយល់ដឹងអំពីក្រុមហ៊ុនផងដែរ ៕
ចែករំលែកព័តមាននេះ