ប្រទេសឡាវ ៖ សម្រាប់ពេលនេះ យោងតាមតុល្យការមួយ ក្រោយការបាក់ទំនប់វារីអគ្គិសនីមួយនៅឡាវ ដែលបណ្ដាលឱ្យទឹកលិចភូមិជាច្រើនទាំងមូលនោះ គឺសាកសពមនុស្ស២៦នាក់ត្រូវបានរកឃើញ រួចអ្នកកំពងបាត់ខ្លួនមានប្រមាណជា១៣១នាក់ ។ នាយករដ្ឋមន្ត្រីឡាវលោកថុង…
ប្រទេសឡាវ ៖ សម្រាប់ពេលនេះ យោងតាមតុល្យការមួយ ក្រោយការបាក់ទំនប់វារីអគ្គិសនីមួយនៅឡាវ ដែលបណ្ដាលឱ្យទឹកលិចភូមិជាច្រើនទាំងមូលនោះ គឺសាកសពមនុស្ស២៦នាក់ត្រូវបានរកឃើញ រួចអ្នកកំពងបាត់ខ្លួនមានប្រមាណជា១៣១នាក់ ។
នាយករដ្ឋមន្ត្រីឡាវលោកថុង លូនសីុស៊ូលីត បានថ្លែងកាលយប់ថ្ងៃទី២៥ កក្កដា ថា តុល្យការដំបូងនៃគ្រោះមហន្តរាយ អ្នកកំពុងបាត់ខ្លួនប្រមាណ១៣១នាក់នោះ សុទ្ធតែជាជនជាតិឡាវ ។
ចំណែកលោក CHANA MIENCHAROEN កុងស៊ុលថៃ ប្រចាំប្រទេសឡាវ មានវត្តមាននៅកន្លែងទំនប់បាក់ បានថ្លែងប្រាប់AFPដែរថា សាកសពមនុស្ស២៦នាក់ពេលនេះត្រូវប្រមូលបាន រីឯមនុស្ស១៧នាក់រងរបួស បានបញ្ជូនទៅកាន់មន្ទីរពេទ្យ ។ យើងនៅពុំទាន់អាចវាយតម្លៃច្បាស់ពីចំនួនអ្នកបាត់ខ្លួននៅឡើយ ។
គ្រោះមហន្តរាយនោះ កើតមាននៅភាគខាងត្បូងឡាវ ជិតព្រំដែនជាមួយកម្ពុជា និងវៀតណាម។ បណ្ដារូបភាពផ្សាយដោយសារព័ត៌មានក្នុងស្រុកទាំងឡាយ បង្ហាញពីមនុស្សរត់គេចពីទឹក ដោយឡើងលើដំបូលផ្ទះ រង់ចាំការជួយសង្គ្រោះ រីឯអ្នកឯទៀតៗ រត់ភៀសខ្លួនចេញពីទឹកជំនន់ ដែលលិចភូមិដល់ទៅ៧ ។
គ្រោះមហន្តរាយនេះ នាំឱ្យមានការលើកពីបញ្ហាសន្តិសុខរបស់ទំនប់ឡាវទាំងឡាយ ដូចជាប្រព័ន្ធប្រកាសអាសន្ន មិនទាន់សមស្រប ដើម្បីប្រឈមមុខចំពោះលក្ខខណ្ឌឧតុនិយមជាដើម ក្នុងប្រទេសមួយជួបប្រទះទឹកជំនន់ធំរៀងរាល់ឆ្នាំ ៕
ចែករំលែកព័តមាននេះ