ខេត្តកណ្ដាល ៖ សេចក្តីរាយការណ៍ឱ្យដឹងថា ជនសង្ស័យ២នាក់ ដែលជាសមាសភាពក្រុមកាច់សោ.កម៉ូតូ កាលពីវេលាម៉ោង៥ល្ងាចថ្ងៃទី២៥ កក្កដា បានជួបវាសនាអាក្រក់ ខណៈពួកគេបានធ្វើសកម្មភាពលួចកាច់សោម៉ូតូរបស់ពលរដ្ឋ ត្រង់ចំណុចទំនប់៩០…
ខេត្តកណ្ដាល ៖ សេចក្តីរាយការណ៍ឱ្យដឹងថា ជនសង្ស័យ២នាក់ ដែលជាសមាសភាពក្រុមកាច់សោ.កម៉ូតូ កាលពីវេលាម៉ោង៥ល្ងាចថ្ងៃទី២៥ កក្កដា បានជួបវាសនាអាក្រក់ ខណៈពួកគេបានធ្វើសកម្មភាពលួចកាច់សោម៉ូតូរបស់ពលរដ្ឋ ត្រង់ចំណុចទំនប់៩០ ភូមិតោតម៉ា ឃុំកណ្តោក ស្រុកកណ្តាលស្ទឹង ខេត្តកណ្ដាល ក៏ត្រូវអ្នកភូមិដេញព័ទ្ធស្ទាក់ចាប់បានម្នាក់វាយម្នាក់មួយដៃរងរបួសធ្ងន់ធ្ងរ ក្រោយមក បាននាំជនសង្ស័យបំណងទៅសង្គ្រោះនៅមន្ទីរពេទ្យជ័យជំនះ ប៉ុន្តែបានដល់ពាក់កណ្តាលផ្លូវ ក៏ដាច់ខ្យល់ស្លាប់លើរថយន្តសង្គ្រោះ ។
សេចក្តីរាយការណ៍បន្តថា ជនសង្ស័យដែលស្លាប់ខាងលើ ឈ្មោះ ហួយ លឿង អាយុ៣៤ឆ្នាំ រស់នៅភូមិដើមមៀន សង្កាត់តាខ្មៅ ក្រុងតាខ្មៅ រីឯបក្សពួកម្នាក់ទៀត មិនត្រូវស្គាល់អត្តសញ្ញាណទេ ដោយបានយកម៉ូតូជនរងគ្រោះជិះគេចខ្លួន ។ ចំណែកជនរងគ្រោះជាម្ចាស់ម៉ូតូ ឈ្មោះ សា ឆវន្ត័ ភេទប្រុស អាយុ៣៥ឆ្នាំ ជាកម្មកររោងចក្រ រស់នៅភូមិតោតម៉ា ឃុំកណ្តោក ស្រុកកណ្ដាលស្ទឹង បាត់ម៉ូតូម៉ាកហុងដាC១២៥ ពណ៌ខ្មៅ ស៊េរីឆ្នាំ២០១៧ ពាក់ស្លាក់លេខ កណ្តាល 1W-4977 ។ ប៉ុន្តែសមត្ថកិច្ចបានដកយកម៉ូតូ១គ្រឿងបានវិញ ម៉ាកហុងដា C.១២៥ ពណ៌ខ្មៅ ពាក់ស្លាកលេខ ភ្នំពេញ1GL-0132 ជាមធ្យោបាយរបស់ជនសង្ស័យជិះធ្វើសកម្មភាព ។
បើតាមសម្តីជនរងគ្រោះថា មុនកើតហេតុ នៅម៉ោង៤ និង២០នាទីរសៀលថ្ងៃទី២៥ កក្កដា រូបគេបានជិះម៉ូតូទៅមើលមង ហើយបានទុកម៉ូតូនៅលើទំនប់លេខ៩០ ដោយចាក់សោបិទសន្ទះសោ និងដកខ្សៀបូស៊ីចេញ រួចបានចុះទៅមើលមងចម្ងាយប្រហែល១០០ម៉ែត្រ ។ ពេលមើលមងរួចហើយ ក៏ដើរត្រឡប់មករកម៉ូតូវិញ ស្រាប់តែឃើញចោរ២នាក់ កំពុងធ្វើសកម្មភាពកាច់សោ.ក ខ្លួនក៏បានស្រែក «ចោរៗ» ជួយផង។
ពេលនោះមានប្រជាពលរដ្ឋទៅបង់សំណាញ់ និងដាក់មងនៅខាងមុខ បានជួយស្ទាក់ចាប់ជនសង្ស័យ តែត្រូវចោរបើកម៉ូតូត្រឡប់ក្រោយវិញ ។ លុះមកដល់ទល់មុខខ្លួន ចោរប្រុងជិះបុក តែត្រូវខ្លួនបានយកមែកឈើដើមសង្កែវ៉ៃលើជនសង្ស័យ បណ្តាលឱ្យដួលម៉ូតូ រួចជនសង្ស័យបានវាយប្រតាយប្រតប់ជាមួយខ្លួនវិញ ។ ពេលនោះ បានប្រជាពលរដ្ឋជាច្រើននាក់ មកជួយព្រួតវាយម្នាក់មួយដៃមួយជើងតែម្តង ។
ចែករំលែកព័តមាននេះ