ខេត្តសៀមរាប ៖ ម្ចាស់ខារ៉ាអូខេ ហ្សេ នៀ ជនជាតិកូរ៉េ ម្នាក់បានធ្វើអត្តឃាតចង.កសម្លាប់ខ្លួន នឹងខ្សែនីឡុងជាប់ទៅហ្នឹងកង្ហាបឺតនៅក្នុងបន្ទប់ទឹកខារ៉ាអូខេខ្លួនឯង បង្កឱ្យមានការភ្ញាក់ផ្អើល ពេញក្រុងសៀមរាប…
ខេត្តសៀមរាប ៖ ម្ចាស់ខារ៉ាអូខេ ហ្សេ នៀ ជនជាតិកូរ៉េ ម្នាក់បានធ្វើអត្តឃាតចង.កសម្លាប់ខ្លួន នឹងខ្សែនីឡុងជាប់ទៅហ្នឹងកង្ហាបឺតនៅក្នុងបន្ទប់ទឹកខារ៉ាអូខេខ្លួនឯង បង្កឱ្យមានការភ្ញាក់ផ្អើល ពេញក្រុងសៀមរាប ខណៈបុគ្គលិកប្រទះឃើញ ។ ហេតុការភ្ញាក់ផ្អើលនោះបានកើតឡើងនាវេលាម៉ោង០៦និង២០នាទីល្ងាច ថ្ងៃទី២៤ ខែកក្កដា ឆ្នាំ២០១៨ ស្ថិតនៅចំណុចក្នុងបន្ទប់ទឹក ខារ៉ាអូខេ ហ្សេ នៀ ក្នុងភូមិគ្រួស សង្កាត់ស្វាយដង្គំ ក្រុង-ខេត្តសៀមរាប ។
តាមប្រភពពីមន្ត្រីនគរបាលមូលដ្ឋានបានប្រាប់ថា ដោយមានបុគ្គលិកខារ៉ាអូខេ ហ្សេ នៀ បានរាយការណ៍មកថា ថៅកែខារ៉ាអូខេជនបរទេសកូរ៉េម្នាក់បានធ្វើអត្តឃាតចង.កសម្លាប់ខ្លួនឯងនៅក្នុងបន្ទប់ទឹកបាត់ទៅហើយ ។ បន្ទាប់ពីបុគ្គលិកចូលទៅសម្អាតស្រាប់តែភ្ញាក់ព្រើតឃើញថៅកែចង.កជាប់ទៅហ្នឹងកង្ហាបឺត ។
ប្រភពបានបញ្ជាក់ថា ជនរងគ្រោះឈ្មោះ CHAISUNGSOO ភេទប្រុស អាយុ៥១ឆ្នាំ ជនជាតិកូរ៉េខាងត្បូង កាន់លិខិតឆ្លងដែនលេខ M២៥៩៦៩២៥១ ទិដ្ឋាការស្នាក់នៅលេខ EIO១៤៤៥៦៩៦ ផុតកំណត់ថ្ងៃទី០២ ខែមេសា ឆ្នាំ២០១៩ មុខរបរថៅកែខារ៉ាអូខេ ហ្សេ នៀ ស្នាក់នៅផ្ទះជួល ក្នុងភូមិគ្រួស សង្កាត់ស្វាយដង្គំ ក្រុងសៀមរាប សព្វថ្ងៃរស់ជាមួយប្រពន្ធខ្មែរមិនបានរៀបការ ឈ្មោះ សេង ឌីណា អាយុ៣៨ឆ្នាំ បានរស់នៅជាមួយគ្នាជាង១០ឆ្នាំ និងមានកូនចំនួនពីរនាក់ ប្រុស១ ស្រី១ ផងដែរ ។
ប្រភពបានបញ្ជាក់ទៀតថា ផ្អែកតាមការស្រាវជ្រាវរបស់សមត្ថកិច្ចជំនាញ និងការពិនិត្យ របស់ លោកវេជ្ជបណ្ឌិត អ៊ិត ឆប ឆរ័ត្ន គ្រូពេទ្យ អមតុលាការ និងមើលតាមកាមេរ៉ាសុវត្ថិភាពបានសន្និដ្ឋានថា ជនរងគ្រោះបានស្លាប់ដោយសារធ្វើអត្តឃាតខ្លួនឯងនៅក្នុងបន្ទប់ទឹកពិតប្រាកដមែន ពុំមែនជាករណីឃាតកម្មអ្វីនោះឡើយ ។
បច្ចុប្បន្នសាកសពជនរងគ្រោះត្រូវបានកម្លាំងជំនាញរៀបចំបញ្ជូនមករក្សាទុកបណ្ដោះអាសន្ននៅក្នុងមន្ទីរពេទ្យបង្អែកខេត្តសៀមរាប តាមសំណូមពររបស់ក្រុមគ្រួសារ និងស្ថានទូត ៕
ចែករំលែកព័តមាននេះ