សហរដ្ឋអាមេរិក ៖ តម្លៃប្រេងបានធ្លាក់ចុះកាលពីថ្ងៃចន្ទកន្លងមក ខណៈមានការព្រួយបារម្ភពីចំនួនផ្គត់ផ្គង់លើសលប់បានត្រឡប់មកវិញ ។ តម្លៃប្រេងរបស់ Brent បានធ្លាក់ចុះមកស្មើ៧៣,០៦ដុល្លារក្នុង១ធុង ខណៈតម្លៃប្រេងអាមេរិកបានធ្លាក់ចុះមកស្មើ៦៧,៨៩ដុល្លារក្នុង១ធុងផងដែរ ។…
សហរដ្ឋអាមេរិក ៖ តម្លៃប្រេងបានធ្លាក់ចុះកាលពីថ្ងៃចន្ទកន្លងមក ខណៈមានការព្រួយបារម្ភពីចំនួនផ្គត់ផ្គង់លើសលប់បានត្រឡប់មកវិញ ។ តម្លៃប្រេងរបស់ Brent បានធ្លាក់ចុះមកស្មើ៧៣,០៦ដុល្លារក្នុង១ធុង ខណៈតម្លៃប្រេងអាមេរិកបានធ្លាក់ចុះមកស្មើ៦៧,៨៩ដុល្លារក្នុង១ធុងផងដែរ ។
លោក Phil Flynn អ្នកវិភាគម្នាក់មកពី Price Futures Group នៅរដ្ឋស៊ីកាហ្គោ សហរដ្ឋអាមេរិក បានឲ្យដឹងថា ប្រទេសអារ៉ាប៊ីសាអូឌីត និងប្រទេសផលិតប្រេងធំៗផ្សេងទៀត កំពុងតែបង្កើនផលិតកម្មរបស់ពួកគេ ដើម្បីជំនួសប្រេងដែលបាត់បង់ពីប្រទេសអ៊ីរ៉ង់ ដែលនឹងចាប់ផ្តើមនៅខែវិច្ឆិកា ។
យោងតាមក្រុមហ៊ុន Genscape ថា ចំនួនប្រេងឆៅដែលស្តុកទុករបស់សហរដ្ឋអាមេរិក បានកើនឡើងខ្ពស់ជាងគេ នៅមជ្ឈមណ្ឌលដឹកជញ្ជូន Cushing រដ្ឋ Oklahoma ។ ចំនួនប្រេងស្តុកទុកនៅក្នុងមជ្ឈមណ្ឌលនេះ នឹងធ្លាក់ចុះរយៈពេល១០សប្តាហ៍ជាប់ៗគ្នា ។
តម្លៃប្រេងធ្លាក់ចុះ ព្រោះតែការព្រួយបារម្ភពីផលប៉ះពាល់លើការលូតលាស់សេដ្ឋកិច្ចពិភពលោក និងតម្រូវការថាមពលដែលបង្កដោយជម្លោះពាណិជ្ជកម្មរវាងសហរដ្ឋអាមេរិក និងដៃគូពាណិជ្ជកម្មរបស់ខ្លួនផងដែរ ។
កាលពីថ្ងៃសុក្រ លោកប្រធានាធិបតីអាមេរិក ដូណាល់ ត្រាំ បានគំរាមថា លោកនឹងដាក់ពន្ធលើផលិតផលចិនប្រមាណ៥០០ប៊ីលានដុល្លារអាមេរិក ប្រសិនបើប្រទេសចិនមិនព្រមកែទម្រង់គោលនយោបាយផ្ទេរបច្ចេកវិទ្យា, ការឧបត្ថម្ភធនដល់ឧស្សាហកម្ម និងក្រុមហ៊ុនរួមទេនោះ ។
ការលូតលាស់នៃសេដ្ឋកិច្ច និងតម្រូវការប្រេងមានភាពទាក់ទងគ្នា ពីព្រោះការលូតលាស់សេដ្ឋកិច្ច គឺជំរុញដល់ការចំណាយសម្រាប់ការធ្វើពាណិជ្ជកម្ម ការធ្វើដំណើរ រួមទាំងយានយន្តផងដែរ ៕
ចែករំលែកព័តមាននេះ