ខេត្តបាត់ដំបង ៖ ប្រភពព័ត៌មានពីសមត្ថកិច្ចបានឱ្យដឹងថា ជនមិនស្គាល់មុខ ដែលវាយយុវជនម្នាក់ប្លន់យកម៉ូតូ១គ្រឿងនិងសម្ភារជាប់នឹងខ្លួនមួយចំនួនផងនោះ ត្រូវបានកម្លាំងនគរបាលនៃស្នងការខេត្តតាមចាប់ខ្លួនបានហើយ កាលពីវេលាម៉ោង០១ និង២០នាទីរសៀលថ្ងៃទី២៥ កក្កដា នេះ…
ខេត្តបាត់ដំបង ៖ ប្រភពព័ត៌មានពីសមត្ថកិច្ចបានឱ្យដឹងថា ជនមិនស្គាល់មុខ ដែលវាយយុវជនម្នាក់ប្លន់យកម៉ូតូ១គ្រឿងនិងសម្ភារជាប់នឹងខ្លួនមួយចំនួនផងនោះ ត្រូវបានកម្លាំងនគរបាលនៃស្នងការខេត្តតាមចាប់ខ្លួនបានហើយ កាលពីវេលាម៉ោង០១ និង២០នាទីរសៀលថ្ងៃទី២៥ កក្កដា នេះ ខណ:ដែលជននេះវិលត្រឡប់ចូលផ្ទះវិញ នៅក្នុងឃុំតាប៉ុន ស្រុកសង្កែ ។
សមត្ថកិច្ចបានផ្ដល់ព័ត៌មានជាបឋមថា ជនសង្ស័យរូបនេះ ឈ្មោះស៊ីន ពិសិដ្ឋ អាយុ៣០ឆ្នាំ រស់នៅឃុំដែលចាប់ខ្លួនខាងលើ ។ ប្រភពដដែលបានឲ្យដឹងថា ក្រោយពីធ្វើសកម្មភាពប្លន់យកម៉ូតូពីយុវជនម្នាក់ឈ្មោះថៃ ធៀង អាយុ២២ឆ្នាំ កាលពីយប់ថ្ងៃទី២៣កក្កដា នៅក្នុងឃុំសំរោងក្នុង ស្រុកឯកភ្នំ បានសម្រេចហើយ ជននេះ បានយកម៉ូតូនិងសម្ភារមួយចំនួនទៀត ទៅលាក់ទុកនឹងផ្ទះរបស់ខ្លួន នៅឃុំតាប៉ុន ស្រុកសង្កែ ហើយបានព្យាយាមរត់គេចទៅសំងំនៅផ្ទះសង្សារនៅស្រុកក្រឡាញ់ ខេត្តសៀមរាប ។
ក្រោយពីស៊ើបដឹងអំពីមុខសញ្ញានេះ ទើបលោកស្នងការខេត្ត បញ្ជាឲ្យកម្លាំងជំនាញតាមប្រមាញ់មុខសញ្ញានេះ តែចៃដន្យ ស្របពេលកម្លាំងជំនាញតាមទៅដល់គោលដៅ ជនសង្ស័យបានវិលត្រឡប់មកផ្ទះវិញ ទើបត្រូវកម្លាំងជំនាញ ដែលរៀបចំអន្ទាក់ចាំជាស្រេចក្របួចបានតែម្ដង ។
ជាមួយនឹងការឃាត់ខ្លួននេះ សមត្ថកិច្ចដកហូតបានវត្ថុតាងមកវិញ មានម៉ូតូ១គ្រឿង, កុំព្យូទ័រយួរដៃ១គ្រឿង និងទូរស័ព្ទ១គ្រឿងផង ដែលជារបស់ជនរងគ្រោះ ។ ពេលនេះ មន្ត្រីការិយាល័យជំនាញកំពុងសាកសួរជនសង្ស័យ ដើម្បីកសាងសំណុំរឿងបញ្ជូនទៅតុលាការហើយ ។
គួររំលឹកថា មើលគាត់ត្រូវចោរលបវាយប្លន់យកខ្ទេចខ្ទីរ… ខណៈកំពុងផ្អែមល្ហែមសង្សារអូន
ចែករំលែកព័តមាននេះ