រាជធានីភ្នំពេញ ៖ ស្ត្រីម្នាក់បានរងរបួសធ្ងន់ និងបុរស២នាក់ទៀតរងរបួសស្រាល ខណៈពេលដែលជិះរថយន្តមួយគ្រឿងបើកបរក្នុងល្បឿនលឿន រួចគេចពីរ៉ឺម៉កកង់៣មួយគ្រឿងស្រាប់ក្រឡាប់ជាច្រើនត្រឡប់ ។ គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៩និង២០នាទីព្រឹក ថ្ងៃទី២៥ ខែកក្កដា…
រាជធានីភ្នំពេញ ៖ ស្ត្រីម្នាក់បានរងរបួសធ្ងន់ និងបុរស២នាក់ទៀតរងរបួសស្រាល ខណៈពេលដែលជិះរថយន្តមួយគ្រឿងបើកបរក្នុងល្បឿនលឿន រួចគេចពីរ៉ឺម៉កកង់៣មួយគ្រឿងស្រាប់ក្រឡាប់ជាច្រើនត្រឡប់ ។ គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៩និង២០នាទីព្រឹក ថ្ងៃទី២៥ ខែកក្កដា ឆ្នាំ២០១៨ តាមផ្លូវ៩២ ខាងលិចផ្សារអ៊ីអន ក្នុងភូមិប៉ាយ៉ាប សង្កាត់ភ្នំពេញថ្មី ខណ្ឌសែនសុខ ។
រថយន្តដែលក្រឡាប់ត្រូវនគរបាលបានឲ្យដឹងថា មានពណ៌ស្ករ ពាក់ស្លាកលេខ ភ្នំពេញ 2U-9689 បើកបរដោយបុរសម្នាក់ និងអ្នករួមដំណើរ២នាក់ ប្រុសម្នាក់ស្ត្រីម្នាក់ ។
តាមសាក្សីបានឲ្យដឹងថា នៅមុនពេលកើតហេតុគេឃើញរថយន្តខាងលើធ្វើដំណើរតាមផ្លូវលេខ៩២ ក្នុងទិសដៅពីលិចទៅកើតក្នុងល្បឿនលឿន ។ នៅពេលធ្វើដំណើរមកដល់កន្លែងកើតហេតុស្រាប់តែមានរ៉ឺម៉កកង់៣មួយគ្រឿងធ្វើដំណើរកាត់មុខក៏បានទាញចង្កូតគេចបណ្តាលឲ្យធ្លាក់ផ្លូវ និងក្រឡាប់ជាច្រើនត្រឡប់បណ្តាលឲ្យរថយន្តក្រពឹតរងការខូចខាត ។
ចំណែក មនុស្សជិះក្នុងរថយន្តបណ្តាលឲ្យរងរបួស៣នាក់ ដែលក្នុងនោះមានស្ត្រីម្នាក់បានរងរបួសធ្ងន់ ។ អ្នករងរបួសពុំត្រូវបានស្គាល់អត្តសញ្ញាណឡើយ ភ្លាមៗត្រូវបានបញ្ជូនទៅកាន់មន្ទីរពេទ្យ ។ ចំពោះរថយន្តត្រូវបានក្រុមគ្រួសារហៅរថយន្តមកស្ទួចយកទៅជួលជួលដោយខ្លួនឯងផងដែរ ៕
ចែករំលែកព័តមាននេះ