តាមប្រភពព័ត៌មាន Manchester Evening News បានឲ្យដឹងថា ក្លឹបមេឃខៀវ Manchester City បានបញ្ចេញម៉ូដឈុតថ្មីរបស់ខ្លួនដែលត្រូវបានផលិតដោយក្រុមហ៊ុនសម្លៀកបំពាក់កីឡាល្បី Nike សម្រាប់ពាក់លេងក្រៅទឹកដីនៅរដូវកាលក្រោយនេះ ។
ពណ៌ទឹកប៊ិចចាស់នៅលើឈុតនេះគឺយកតាមឈុតកាលពីរដូវកាល1998/99ដែលពេលនោះ Man City បានយកឈ្នះលើ Gillingham នៅវគ្គ Second Division ទៅកាន់វគ្គ Division One ក្នុងទឹកដី Wembley ។
នៅលើអាវទៀតសោតមានមកជាមួយនូវឆ្នូតពណ៌លឿង និងពណ៌ផ្ទៃមេឃ ពីលើចុះក្រោម ទាំងមុខទាំងក្រោយ ។ អាវនេះនឹងត្រូវពាក់ជាមួយនឹងខោពណ៌ទឹកប៊ិចចាស់ ជាមួយនឹងស្រោមជើងពណ៌លឿងខ្ចីជាមួយនឹងឆ្នូតធំពណ៌ទឹកប៊ិចចាស់ជុំវិញស្មងជើង ។
ក្លិបមេឃខៀវនឹងពាក់ឈុតនេះកៅឆាយនៅក្នុងការប្រកួត Pre-season Tour ជាមួយនឹង Liverpool នៅថ្ងៃទី២៥ ខែកក្កដា។ សម្រាប់ក្រុមនារីៗ នឹងពាក់ឈុតនេះនៅថ្ងៃបន្ទាប់ ក្នុងការប្រកួតមិត្តភាពជាមួយនឹង Lyon នៅ Miami ៕
ចែករំលែកព័តមាននេះ