ខេត្តកណ្ដាល៖ បុរសម្នាក់ផឹកស្រវឹង ព្រោះតែខឹងប្រពន្ធទូរសព្ទ័ហៅញឹកពេក ទាស់ពាក្យសម្តីគ្នាបានចងកសម្លាប់ខ្លួនកាលពីវេលាម៉ោង៤និង៣០នាទីរសៀលថ្ងៃទី២៤ កក្កដា នៅចំណុចក្នុងបន្ទប់លើផ្ទះរបស់ឈ្មោះ ងិន ស្រី ត្រូវជាម្តាយជនរងគ្រោះ ស្ថិតនៅក្នុង ភូមិព្រែកគង់ ឃុំសំពៅពូន ស្រុកកោះធំ ខេត្តកណ្តាល ។
មន្ត្រីនគរបាលស្រុកកោះធំបានឱ្យដឹងថា ជនរងគ្រោះដែលស្លាប់ឈ្មោះ សុខា រ៉ានី ភេទប្រុស អាយុ២៨ឆ្នាំ មុខរបរកសិករ និងលក់បន្លែ មានទីលំនៅក្នុងភូមិព្រែកគង់ ឃុំសំពៅពូន ស្រុកកោះធំ ខេត្តកណ្តាល ។
នគរបាលបានឱ្យដឹងបន្ថែមថា យោងតាមការបំភ្លឺរបស់ឈ្មោះ ងិន ស្រី ភេទស្រី អាយុ៤៨ឆ្នាំ ត្រូវជាម្តាយជនរងគ្រោះ និងឈ្មោះស្រេង គឹមស៊ាង ត្រូវជាប្រពន្ធជនរងគ្រោះបានឱ្យដឹងថា ជនរងគ្រោះជាមនុស្សចូលចិត្តហូបស្រា ពេលស្រវឹងម្តងៗមកដល់ផ្ទះតែងតែបង្ករករឿងទំនាស់ពាក្យសំដីគ្នាជាមួយប្រពន្ធ ។ លុះនៅវេលាម៉ោងប្រមាណ៣រសៀលថ្ងៃទី២៤ ខែកក្កដា ជនរងគ្រោះបានចេញពីផ្ទះរបស់ខ្លួនទៅផឹកស្រាជាមួយមិត្តភក្តិនៅក្នុងភូមិ ។ ក្រោយមកនៅវេលាម៉ោងប្រមាណ៤និង៣០នាទីរសៀលដល់ម៉ោងដើរប្រមូលទិញបន្លែយកទៅលក់ ប្រពន្ធមិនទាន់ឃើញប្តីមកផ្ទះក៍ទូរស័ព្ឌហៅប្តីញឹកញាប់ដើម្បីឱ្យមកផ្ទះទៅប្រមូលទិញបន្លែ។ បន្តិចក្រោយមក ប្តីបានមកដល់ផ្ទះខឹងប្រពន្ធទូរស័ព្ឌហៅ ក៍មានបញ្ហាទំនាស់ពាក្យសំដីគ្នាជាមួយប្រពន្ធ។ ដោយខឹងប្រពន្ធពេកក៍ដើរទៅបុកក្បាលជាមួយនឹងដើមប្រេងខ្យល់។ ម្តាយជនរងគ្រោះឃើញដូច្នេះក៍ឃាត់កុំអោយឈ្លោះប្រកែកគ្នា ហើយប្តីប្រពន្ធទាំងពីរនាក់ក៍ស្ងប់ស្ងាត់ ។
តាមប្រភពដដែលបានបន្តថា ពេលនោះជនរងគ្រោះក៍ឡើងទៅលើផ្ទះ ម្តាយនឹកស្មានថាកូនឈប់ឈ្លោះប្រកែកគ្នាឡើងលើផ្ទះដេក ក៍ទៅប្រមូលទិញបន្លែនៅក្នុងភូមិជិតៗផ្ទះ បន្តិចក្រោយមក កូនស្រីពៅរបស់គាត់បានរត់មកប្រាប់ថា «បងរ៉ានីបានចងកនៅក្នុងបន្ទប់លើផ្ទះ» ឮដូច្នេះគាត់ជាម្តាយបានស្ទុះឡើងលើផ្ទះ ឃើញកូនចងកដោយយកមុងធ្វើជាចំណងចងភ្ជាប់នឹងធ្នឹមផ្ទះ រួចក៍ស្រាយចំណងដាក់ជនរងគ្រោះចុះមកក្រោម ដោយជនរងគ្រោះនៅមានដង្ហើមក៍នាំគ្នាយកជនរងគ្រោះទៅមន្ទីរពេទ្យបង្អែកស្រុកកោះធំ តែដោយគ្រូពេទ្យមិនអាចសង្គ្រោះបាន ជនរងគ្រោះក៍បានស្លាប់នៅមន្ទីរពេទ្យ រួចក៍បានដឹកសពយកទៅលំនៅដ្ឋានវិញ ហើយបានរាយការណ៍ជូនអាជ្ញារធមូលដ្ឋាន និងរាយការណ៍បន្តជូនសមត្ថកិច្ចជំនាញ ។
បន្ទាប់ពីទទួលបានព័ត៌មានកំលាំងជំនាញ អធិការដ្ឋាន នគរបាលស្រុកកោះធំបានចុះទៅដល់កន្លែងកើតហេតុ សហការជាមួយប៉ុស្តិ៍នគរបាលរដ្ឋបាល អាជ្ញាធរឃុំ ភូមិ លោកគ្រូពេទ្យ និងក្រមគ្រួសារជនរងគ្រោះដើម្បីពិនិត្យកន្លែងកើតហេតុ និងពិនិត្យសព ឃើញថា ជនរងគ្រោះមានស្នាមជាំខ្មៅនៅនឹងកផ្នែកខាងមុខ តាមការសន្និដ្ឋានរបស់លោកគ្រូពេទ្យ និងផ្នែកជំនាញបានឱ្យដឹងថា ជនរងគ្រោះពិតជាធ្វើអត្តឃាតដោយចងកពិតប្រាកដមែន ពុំមានពាក់ព័ន្ធនឹងករណីផ្សេងឡើយ ។ ក្រោយពីពិនិត្យរួច សមត្ថកិច្ចបានប្រគល់សពជនរងគ្រោះជូនក្រុមគ្រួសារ ដើម្បីធ្វើបុណ្យតាមប្រពៃណី ៕
ចែករំលែកព័តមាននេះ