ខេត្តស្ទឹតត្រែង ៖ សេចក្តីរាយការណ៍បានបន្តឱ្យដឹងទៀតថា គិតត្រឹមវេលាម៉ោង០៩ព្រឹកថ្ងៃទី២៥ កក្កដា នេះ ស្ថានភាពទឹកទន្លេសេកុង គឺនៅសល់តែ២តឹកទៀត អាចនឹងត្រូវប្រកាសអាសន្នហើយ ខណៈអាជ្ញាធរក៏បានត្រៀមជម្លៀសពលរដ្ឋដែលប្រឈមនឹងគ្រោះទឹកជំនន់នេះ…
ខេត្តស្ទឹតត្រែង ៖ សេចក្តីរាយការណ៍បានបន្តឱ្យដឹងទៀតថា គិតត្រឹមវេលាម៉ោង០៩ព្រឹកថ្ងៃទី២៥ កក្កដា នេះ ស្ថានភាពទឹកទន្លេសេកុង គឺនៅសល់តែ២តឹកទៀត អាចនឹងត្រូវប្រកាសអាសន្នហើយ ខណៈអាជ្ញាធរក៏បានត្រៀមជម្លៀសពលរដ្ឋដែលប្រឈមនឹងគ្រោះទឹកជំនន់នេះ ទៅកាន់ទីទួលសុវត្ថិភាពផងដែរ។
គួរបញ្ជាក់ថា មានពលរដ្ឋជាច្រើនគ្រួសា ដែលមានទីលំនៅក្នុងឃុំចំនួន៤ ក្នុងស្រុកសៀមប៉ាង ដែលត្រូវទឹកលិចបណ្តើរៗ ហើយត្រូវបានបញ្ជូនពួកគាត់ទៅកាន់ទីទួលមានសុវត្ថិភាពដែលមានចម្ងាយប្រមាណ១គីឡូម៉ែត្រ ពីកន្លែងលិចទឹកនេះផងដែរ ។
គួររំលឹកថា យោងតាមក្រសួងធនធានទឹក និងឧតុនិយម គិតមកដល់ព្រឹកព្រលឹមថ្ងៃទី២៥ កក្កដា នេះ ទឹកជំនន់ដែលហូរចេញពីការបាក់ទំនប់ Se-Pian Se Nam Noi ក្នុងខេត្ត Attapeu ប្រទេសឡាវ បានមកដល់ព្រំដែនប្រទេសកម្ពុជាជាបណ្តើរៗហើយ ។
ប្រភពបន្តថា ស្ថានភាពទឹកបានលិចចូលតំបន់មួយចំនួន ស្ថិតក្នុងឃុំថ្មកែវ ឃុំសន្តិភាព និងឃុំសេកុង នៃស្រុកសៀមប៉ាង ខេត្តស្ទឹងត្រែង ។
ប្រភពបន្តទៀតថា ជាមួយគ្នានេះ ទឹកទន្លេសេកុង ក៏បានហក់ឡើងដល់កម្ពស់១១,៣០ ម (កម្រិតប្រកាសឱ្យប្រុងប្រយ័ត្នមានកម្ពស់១១,៥០ ) ។ បច្ចុប្បន្ន អាជ្ញាធរខេត្ត បាននិងកំពុងជម្លៀសបងប្អូនប្រជាពលរដ្ឋទៅកាន់ទីទួលសុវត្ថិភាព ។
ព័ត៌មានលម្អីតនឹងមានផ្សាយជូនបន្ត…
ចែករំលែកព័តមាននេះ