រាជធានីភ្នំពេញ ៖ បុរសជនជាតិកូរ៉េម្នាក់ស្រវឹងជោកជាំបើកបររថយន្តឡិចស៊ីសមួយគ្រឿងបោះពួយយ៉ាងលឿនរួចក៏រ៉េចង្កូតទៅបុកបង្គោលភ្លើងពីរដើមនៅតាមចិញ្ចើមផ្លូវបណ្តាលឲ្យរងការខូចខាតយ៉ាងដំណំ។ ហេតុការណ៍នេះកើតឡើងកាលពីវេលាម៉ោង១០និង៥០នាទីយប់ ថ្ងៃទី២៤ ខែកក្កដា ឆ្នាំ២០១៨ តាមបណ្តោយផ្លូវ២០០២ ស្ថិតក្នុងសង្កាត់ទឹកថ្លា ខណ្ឌសែនសុខ…
រាជធានីភ្នំពេញ ៖ បុរសជនជាតិកូរ៉េម្នាក់ស្រវឹងជោកជាំបើកបររថយន្តឡិចស៊ីសមួយគ្រឿងបោះពួយយ៉ាងលឿនរួចក៏រ៉េចង្កូតទៅបុកបង្គោលភ្លើងពីរដើមនៅតាមចិញ្ចើមផ្លូវបណ្តាលឲ្យរងការខូចខាតយ៉ាងដំណំ។ ហេតុការណ៍នេះកើតឡើងកាលពីវេលាម៉ោង១០និង៥០នាទីយប់ ថ្ងៃទី២៤ ខែកក្កដា ឆ្នាំ២០១៨ តាមបណ្តោយផ្លូវ២០០២ ស្ថិតក្នុងសង្កាត់ទឹកថ្លា ខណ្ឌសែនសុខ ។
តាមប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុគេឃើញបុរសជាជនជាតិកូរ៉េម្នាក់វ័យជាង៥០ឆ្នាំបើកបររថយន្តមួយគ្រឿងម៉ាកឡិចស៊ីស RX-300 ពណ៌ស ពាក់ស្លាកលេខ ភ្នំពេញ 2AD-3602 បើកក្នុងស្ថានភាពស្រវឹងស្រាជោកជាំតាមបណ្តោយផ្លូវ២០០២ក្នុងទិសដៅពីកើតទៅលិច និងក្នុងល្បឿនយ៉ាងលឿន ។
លុះមកដល់ចំណុចកើតហេតុស្រាប់តែរថយន្តបង្កខាងលើរ៉េចង្កូតទៅខាងស្តាំទៅបុកនឹងបង្គោលភ្លើងពីរដើមនៅតាមចិញ្ចើមផ្លូវបណ្តាលឲ្យបាក់អស់មួយដើម ។ ចំណែកឯរថយន្តរងការខូចខាតក្រពឹតកាង និងដាច់ក្រឡេកង់ចំហៀងខាងស្តាំ ភ្លាមៗនេះអ្នកបើករថយន្តបំណងថយរថយន្តបើករត់គេចតែដោយសារតែរថយន្តដាច់កាឡេទៅមុខលែងរួចក៏បើកទ្វារចុះដើរគេចខ្លួនពីកន្លែងកើតហេតុបាត់ទៅ ។
ក្រោយពេលកើតហេតុរថយន្តបង្កខាងលើត្រូវបានសមត្ថកិច្ចជំនាញចុះធ្វើការវាស់វែងស្ទូចយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញដើម្បីរងចាំម្ចាស់រថយន្តចូលខ្លួនមកដោះស្រាយទៅតាមផ្លូវច្បាប់នៅពេលក្រោយ ៕
ចែករំលែកព័តមាននេះ