ខេត្តបាត់ដំបង ៖ ប្រភពព័ត៌មានបានឲ្យដឹងថា អ្នកភូមិបានប្រទះឃើញសាកសពបុរសម្នាក់ កាលពីវេលាម៉ោង១១ និង១០នាទីថ្ងៃត្រង់ ទី២៤ កក្កដា ដែលចង.កនៅនឹងដើមឈើ ស្ថិតត្រង់ចំណុចបឹងប្ញស្សី…
ខេត្តបាត់ដំបង ៖ ប្រភពព័ត៌មានបានឲ្យដឹងថា អ្នកភូមិបានប្រទះឃើញសាកសពបុរសម្នាក់ កាលពីវេលាម៉ោង១១ និង១០នាទីថ្ងៃត្រង់ ទី២៤ កក្កដា ដែលចង.កនៅនឹងដើមឈើ ស្ថិតត្រង់ចំណុចបឹងប្ញស្សី ក្នុងភូមិឆ្កែខាំប្រេីស ឃំុព្រែកជីក ស្រុករុក្ខគិរី ។
សាកសពបុរសនេះត្រូវបានគេស្គាល់ថា ឈ្មោះសៅ សុភា អាយុ៣៩ឆ្នាំ រស់នៅភូមិ-ឃំុខាងលេី។ សាកសពមានស្ថានភាពស្អុយរលួយទៅហើយ ដែលចងកនឹងដើមឈើមួយកន្លែងនៅក្នុងព្រៃ ។ ក្រោយពីប្រទះឃើញសាកសពដ៏ស្អុយរលួយនេះ អ្នកភូមិក៏បានរាយការណ៍ទៅសមត្ថកិច្ចមូលដ្ឋានឱ្យបានដឹងភ្លាមៗដែរ ។
បើតាមក្រុមគ្រួសារបានប្រាប់សមត្ថកិច្ចថា ឈ្មោះសៅ សុភា បានបាត់ខ្លួនពីផ្ទះតាំងពីថ្ងៃទី១៦ កក្កដា រហូតមក ដោយគ្មានដំណឹងឡើយ លុះនៅថ្ងៃទី២៤កក្កដា ទើបអ្នកភូមិប្រទះឃើញ តែបានក្លាយជាសាកសពស្អុយរលួយទៅហើយ ។
ក្រោយពេលពិនិត្យ សមត្ថកិច្ចមិនទាន់អាចធ្វើការសន្និដ្ឋានអំពីមូលហេតុពិតនៃការស្លាប់របស់បុរសខាងលើនេះនៅឡើយទេ ។ ប៉ុន្តែសមត្ថកិច្ចបានធ្វើការសន្និដ្ឋានជាបឋម តាមការបំភ្លឺខ្លះៗពីអ្នកភូមិថា ជនរងគ្រោះជាមនុស្សប្រេីប្រាស់គ្រឿងញៀន ហើយការស្លាប់នេះ ទំនងដោយសារបែកថ្នាំនេះឯង។
ទោះយ៉ាងណា ក្រោយពេលពិនិត្យកន្លែងកើតហេតុ មន្ត្រីជំនាញបានធ្វើកំណត់ហេតុ ប្រគល់សពជនរងគ្រោះឱ្យទៅក្រុមគ្រួសារធ្វើបុណ្យតាមប្រពៃណីហើយ ។
ចែករំលែកព័តមាននេះ