ប្រទេសក្រិក ៖ភ្លើងឆេះព្រៃយ៉ាងសាហាវ ដែលកាលពីថ្ងៃទី២៣ កក្កដា រាតត្បាតជុំវិញទីក្រុងអាថែន បណ្ដាលឲ្យមនុស្សស្លាប់ឡើងដល់យ៉ាងតិច៥០នាក់ ក្រោយរកឃើញសាកសពមនុស្ស២៦នាក់ ក្នុងទីធ្លានៃវីឡាមួយនៅក្រុងម៉ាទី ហើយមនុស្សយ៉ាងតិច១៧២នាក់រងរបួស។ នេះជាការប្រកាសនាពេលយប់របស់អ្នកនាំពាក្យរដ្ឋាភិបាលក្រិកលោក…
ប្រទេសក្រិក ៖ភ្លើងឆេះព្រៃយ៉ាងសាហាវ ដែលកាលពីថ្ងៃទី២៣ កក្កដា រាតត្បាតជុំវិញទីក្រុងអាថែន បណ្ដាលឲ្យមនុស្សស្លាប់ឡើងដល់យ៉ាងតិច៥០នាក់ ក្រោយរកឃើញសាកសពមនុស្ស២៦នាក់ ក្នុងទីធ្លានៃវីឡាមួយនៅក្រុងម៉ាទី ហើយមនុស្សយ៉ាងតិច១៧២នាក់រងរបួស។ នេះជាការប្រកាសនាពេលយប់របស់អ្នកនាំពាក្យរដ្ឋាភិបាលក្រិកលោក DIMITRIS TZANAKOPOULOS។
ក្នុងសារតាមទូរទស្សន៍មួយ អ្នកនាំពាក្យរូបនោះគូសបញ្ជាក់ថា ជនរងគ្រោះភាគច្រើនជាប់ក្នុងភ្លើងនៅតំបន់ម៉ាទីចម្ងាយ៤០គីឡូម៉ែត្រខាងជើងក្រុងអាថែន។ អ្នកទាំងនេះខ្លះជាប់ក្នុងផ្ទះខ្លះទៀត ស្ថិតក្នុងរថយន្តរត់គេចចេញពុំរួច។ អ្នករបួស១១នាក់ស្ថិតក្នុងស្ថានភាពធ្ងន់ធ្ងរ។
អាជ្ញាធរកំពុងតែបន្តប្រតិបត្តិការ តាមរុករកជនរងគ្រោះថ្មីៗនិងជម្លៀសមនុស្សចេញ៕
ចែករំលែកព័តមាននេះ