ខេត្តកោះកុង ៖ សេចក្តីរាយការណ៍បឋមឱ្យដឹងថា មានការប្រទះឃើញសាកសពបុុរសម្នាក់ ដែលមិនទាន់ស្គាល់អត្តសញ្ញាណ កាលពីវេលាម៉ោង០៣ និង៤០នាទីរសៀលថ្ងៃទី២៣ កក្កដា ស្ថិតនៅចំណុចឆ្នេរមាត់ពាមបាក់ខ្លង (ខាងត្បូងព្រំដែនទឹក) ស្ថិតក្នុងភូមិ១ ឃុំបាក់ខ្លង ស្រុកមណ្ឌលសីមា ខេត្តកោះកុង ។
សេចក្តីរាយការណ៍បន្តថា បើតាមពិនិត្យលើសាកសព គឺសង្ស័យបានស្លាប់ជាច្រើនថ្ងៃមកហើយ ព្រោះមានសភាពហើមស្អុយរលួយទៅហើយ ។ សមត្ថកិច្ចជំនាញកំពុងសង្ស័យទៀតថា សាកសពនេះ អាចអណ្តែតមកពីសមុទ្រក្រៅ ។
បច្ចុប្បន្ន កម្លាំងកំពុងស្រាវជ្រាវរកអត្តសញ្ញាណនិងក្រុមគ្រួសារ ដើម្បីដឹងពីមូលហេតុ ។
ចែករំលែកព័តមាននេះ