មាន់ថ្មីនៅ Barcelona សរសើរ Messi ថា ចង់ស៊ីពេលណាបានពេលហ្នឹង
តាមប្រភពព័ត៌មាន Soccer Laduma បានឲ្យដឹងថា កីឡាករមាន់ថ្មីសម្រាប់ក្លិបអ្នកមានបុណ្យ Clement Lenglet បានសរសើរ Messi មិនដាច់ពីមាត់ថា…
តាមប្រភពព័ត៌មាន Soccer Laduma បានឲ្យដឹងថា កីឡាករមាន់ថ្មីសម្រាប់ក្លិបអ្នកមានបុណ្យ Clement Lenglet បានសរសើរ Messi មិនដាច់ពីមាត់ថា…
តាមប្រភពព័ត៌មាន Soccer Laduma បានឲ្យដឹងថា កីឡាករមាន់ថ្មីសម្រាប់ក្លិបអ្នកមានបុណ្យ Clement Lenglet បានសរសើរ Messi មិនដាច់ពីមាត់ថា Messi ជាកីឡាករខ្លាំងជាងគេដែលអាចរកគ្រាប់បាល់ពេលណាបានពេលនោះហើយក៏អាចស៊ុតពីកន្លែងណាលើតារាងក៏បាន ។
Clement Lenglet ទើបតែចូលមកក្លិបអ្នកមានបុណ្យ Barcelona ក្រោយពេលផ្ទេរមកពីក្លិបចាស់ជាងគេរបស់អេស្ប៉ាញ Sevilla។ ក្លិបទាំងពីរនេះ អាចនិយាយបានថាជាគូប្រជែងគ្នា ដោយសារតែស្ថិតនៅក្នុងក្របខណ្ឌតែមួយ ។
កីឡាករវ័យ២៣ឆ្នាំនេះបានប្រាប់នៅលើវេបសាយរបស់ក្លិបថា ៖«ខ្ញុំពិតជាសប្បាយចិត្តណាស់ ដែលបានមកទីនេះ ព្រោះខ្ញុំមិនចាំបាច់ត្រូវប្រកួតប្រជែងជាមួយក្លិបនេះទៀតទេ ។ Messi គឺជាកីឡាករខ្លាំងផ្តាច់គេលើលោក ។ គាត់យកប្រៀបលើការប្រកួតដោយងាយ ហើយអាចរកគ្រាប់បាល់បានគ្រប់ពេលដែលគាត់ចង់បាន»។
គេក៏បានបន្តទៀតថា ៖ «ប្រសិនបើអ្នកមានសំណាង អ្នកអាចរារាំងគាត់បានតែបន្តិចនោះទេ ព្រោះថាក្រោយមកនឹងមានអ្នកមកឃាំងអ្នកវិញម្តង ។ នៅពេលយើងលេងជាមួយជើងខ្លាំង យើងអាចស្របខ្លួនបានងាយខ្លះដែរ ។ គ្រប់កីឡាករនៅទីនេះគឺសុទ្ធតែលំដាប់ខ្ពស់» ។
គួរបញ្ជាក់ផងដែរថា Lenglet បានលេងនៅ Sevilla ចំនួន៧៣ប្រកួត ដែលរកគ្រាប់បាល់បាន៤គ្រាប់ ។ ពេលនេះគេក្លាយទៅជាមិត្តរួមក្រុមរបស់ Messi ហើយ បើទោះបីជាពីមុនធ្លាប់ប្រកួតប្រជែងគ្នាលើតារាងក៏ដោយ ៕
ចែករំលែកព័តមាននេះ