វេបសាយ «Time» របស់អាមេរិកបានចុះផ្សាយពីស្ថានភាពជីវិតរបស់សេដ្ឋិនី Jocelyn Wildenstein នៅក្រុងញូវយ៉ក ឬមនុស្សទូទៅស្គាល់ថា «នារីមុខឆ្មា» ព្រោះបានកែសម្រស់ធ្វើឲ្យផ្ទៃមុខស្រដៀងនឹងឆ្មា ។…
វេបសាយ «Time» របស់អាមេរិកបានចុះផ្សាយពីស្ថានភាពជីវិតរបស់សេដ្ឋិនី Jocelyn Wildenstein នៅក្រុងញូវយ៉ក ឬមនុស្សទូទៅស្គាល់ថា «នារីមុខឆ្មា» ព្រោះបានកែសម្រស់ធ្វើឲ្យផ្ទៃមុខស្រដៀងនឹងឆ្មា ។ ស្ត្រីជាអ្នកមានទ្រព្យស្ដុកស្ដម្ភរូបនេះ បានជួបរឿងនឹកស្មានមិនដល់នៅក្នុងជីវិត ដោយប្រាក់ទាំងអស់បានរលាយសាបសូន្យ និងគ្មាននៅសេសសល់ក្នុងគណនីសូម្បីតែ១ដុល្លារ ។
តាមការបញ្ជាក់របស់«New York Times» កាលពីពេល ថ្មីៗកន្លងមកឲ្យដឹងថានាង Wildenstein ជាជនជាតិស្វ៊ីសអាយុ៧៧ឆ្នាំ បច្ចុប្បន្នគ្មានចំណូលទេ ដូច្នេះហើយរស់នៅតាមរយៈការឧបត្ថម្ភពីរដ្ឋាភិបាលក្នុងមួយខែ៩០០ដុល្លារ និងទទួលប្រាក់ឧបត្ថម្ភពីក្រុមគ្រួសារ ។
មូលហេតុដែលធ្វើឲ្យនាង Wildenstein ក្លាយជាសេដ្ឋិនីមានទ្រព្យស្ដុកស្ដម្ភព្រោះបានឈ្នះរឿងក្ដីពីការលែងលះប្ដីចំនួន២.៥០០លានដុល្លារក្នុងឆ្នាំ១៩៩៩ ។ កន្លងមកនាងបានចាយវាយខ្ជះខ្ជាយក្នុងមួយខែដល់ទៅ១លានដុល្លារឯណោះ រួមទាំងទិញគ្រឿងអលង្ការឥតសំចៃទេ ។
បច្ចុប្បន្ន Wildenstein នៅជំពាក់បំណុលលើផ្នែកច្បាប់ និងមេធាវីជាង៣សែនដុល្លារ រួមទាំងមានបំណុលលើថ្លៃខុនដូចំនួន៤,៦លានដុល្លារទៀតផង ៕
ចែករំលែកព័តមាននេះ