រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ក្មេងប្រុស២នាក់បានរងរបួសធ្ងន់ធ្ងរ ក្នុងនោះម្នាក់បានស្លាប់ ពេលបញ្ជូនទៅសង្គ្រោះនៅមន្ទីរពេទ្យ ហើយម្នាក់ទៀតកំពុងសង្គ្រោះបន្ទាន់នៅឯមន្ទីរពេទ្យគន្ធាបុប្ផា ។ បន្ទាប់ពីអ្នកទាំង២នាក់នេះ តាមជីដូនទៅរើសអេតចាយនៅកន្លែងប្រគំតន្ត្រីខនសឺតមួយកន្លែង…
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ក្មេងប្រុស២នាក់បានរងរបួសធ្ងន់ធ្ងរ ក្នុងនោះម្នាក់បានស្លាប់ ពេលបញ្ជូនទៅសង្គ្រោះនៅមន្ទីរពេទ្យ ហើយម្នាក់ទៀតកំពុងសង្គ្រោះបន្ទាន់នៅឯមន្ទីរពេទ្យគន្ធាបុប្ផា ។ បន្ទាប់ពីអ្នកទាំង២នាក់នេះ តាមជីដូនទៅរើសអេតចាយនៅកន្លែងប្រគំតន្ត្រីខនសឺតមួយកន្លែង ហើយបាននាំគ្នាដេកលេងនៅក្នុងតូបលក់ដូរមួយកន្លែងទីនោះ ស្រាប់តែមានរថយន្តម៉ាកតាកូម៉ា១គ្រឿង បើកទៅដល់បុកកិនទាំងកំរោលតែម្ដង ។
ក្រោយពេលកើតហេតុ អ្នកបើកបររថយន្តបានជួយបញ្ជូនក្មេងប្រុសរងគ្រោះទាំង២នាក់ ទៅកាន់មន្ទីរពេទ្យ ហើយក្រោយពីដឹងថា ក្មេងម្នាក់ស្លាប់ ក៏គេចខ្លួនរត់ចោលប្រពន្ធបាត់ ហើយត្រូវនគរបាលឃាត់ខ្លួននាំសាកសួរតែម្តង ។
ហេតុការណ៍ដ៏រន្ធត់នេះ កើតឡើងកាលពីវេលាម៉ោង១០ និង៣០នាទីព្រឹកថ្ងៃទី២៣ កក្កដា ស្ថិតនៅចំណុច ដីឡូត៍ទំនេរមួយកន្លែង ដែលមានការពិធីប្រគំ ស្ថិតនៅក្នុងភូមិក្រាំងដូនទៃ សង្កាត់ចោមចៅ២ ខណ្ឌពោធិ៍សែនជ័យ។ លុះដល់វេម៉ោងជិត២រសៀលថ្ងៃដដែល ទើបបង្កការភ្ញាក់ផ្អើលដល់នគរបាលមូលដ្ឋានចុះធ្វើការស្រាវជ្រាវជុំវិញហេតុការណ៍ខាងលើនេះ។
តាមប្រភពព័ត៌មានបានឱ្យដឹងថា ក្មេងប្រុសដែលស្លាប់ឈ្មោះ ឡូ ភារ៉ា អាយ១២ឆ្នាំ រៀននៅអង្គកុមារនៃភាពញញឹម រីឯម្នាក់ទៀតដែលរងរបួសធ្ងន់ឈ្មោះ ចន្ធា វុទ្ធធូ អាយុ០៩ឆ្នាំ មានឪពុកឈ្មោះ វុន វៀន អាយុ៣៧ឆ្នាំ ជាជាងម៉ាស៊ីនត្រជាក់ បច្ចុប្បន្ន ស្នាក់នៅក្នុងភូមិកំរៀង សង្កាត់ព្រៃវែង ខណ្ឌដង្កោ ។ ចំណែកអ្នកបើករថយន្តបង្កឈ្មោះ សន ជូ អាយុ៣៤ឆ្នាំ ស្នាក់នៅទីរួមខេត្តបន្ទាយមានជ័យ មានប្រពន្ធឈ្មោះ ចិន សាវ៉េត អាយុ៣២ឆ្នាំ ស្នាក់នៅសង្កាត់ទឹកល្អក់២ ខណ្ឌទួលគោក រាជធានីភ្នំពេញ ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ