រាជធានីភ្នំពេញ៖ ស្ត្រីម្នាក់បានអះអាងថា តូចចិត្តខ្លួនឯងដោយសារតែមានជំងឺប្រចាំកាយ បានធ្វើដំណើរទៅលោតទឹកសម្លាប់ខ្លួនពីលើស្ពានជ្រោយចង្វារ តែត្រូវបានសមត្ថកិច្ច និងប្រជាពលរដ្ឋធ្វើដំណើរនាំគ្នាជួយឃាត់ទាន់។ ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោង១និង៣០នាទីរសៀលថ្ងៃទី២៣ ខែកក្កដា ឆ្នាំ២០១៨ នៅលើស្ពានជ្រោយចង្វា…
រាជធានីភ្នំពេញ៖ ស្ត្រីម្នាក់បានអះអាងថា តូចចិត្តខ្លួនឯងដោយសារតែមានជំងឺប្រចាំកាយ បានធ្វើដំណើរទៅលោតទឹកសម្លាប់ខ្លួនពីលើស្ពានជ្រោយចង្វារ តែត្រូវបានសមត្ថកិច្ច និងប្រជាពលរដ្ឋធ្វើដំណើរនាំគ្នាជួយឃាត់ទាន់។ ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោង១និង៣០នាទីរសៀលថ្ងៃទី២៣ ខែកក្កដា ឆ្នាំ២០១៨ នៅលើស្ពានជ្រោយចង្វា ក្នុងសង្កាត់ជ្រោយចង្វា ខណ្ឌជ្រោយចង្វា។
ស្ត្រីមានវិបត្តិម្នាក់នោះបានប្រាប់អោយដឹងថា ខ្លួនឈ្មោះសាន អាយុ៥៨ឆ្នាំ រស់នៅជាមួយបងនៅក្នុងសង្កាត់ជ្រោយចង្វា ខណ្ឌជ្រោយចង្វា។
តាមព័ត៌មានបានអោយដឹងថា នៅពេលកើតហេតុ គេឃើញស្ត្រីខាងលើបានធ្វើដំណើរឡើងទៅលើស្ពាន ជ្រោយចង្វា និងតោងបង្កាន់ដៃស្ពានឈរយំ ហើយគាត់មានបំណងមកលោតទឹកសម្លាប់ខ្លួន តែមិនដាច់ចិត្ត ។ ភ្លាមៗនោះអ្នកដំណើររួមទាំងនគរបាលមកជួយឃាត់ និងលួងលោមកុំអោយគិតខ្លី ហើយក៍បាននាំស្ត្រីម្នាក់នោះចុះមកវិញ ។
តាមព័ត៌មានអោយដឹងថា ស្ត្រីខាងលើបានព្យាយាមឡើងទៅលើស្ពានជ្រោយចង្វាដើម្បីលោតទឹកសម្លាប់ខ្លួន តែត្រូវបានប្រជាពលរដ្ឋរួមទាំងនគរបាល និងអ្នកយកព័ត៌មានបានជួយឃាត់។ នៅចំពោះមុខអ្នកយកព័ត៌មាន ស្ត្រីខាងលើបានអោយដឹងថា ខ្លួនមានបំណងមកលោតទឹកសម្លាប់ខ្លួនពីលើស្ពានជ្រោយចង្វា ដោយសារតែមានជំងឺប្រចាំកាយអស់រយៈពេលមួយឆ្នាំមកហើយ ដែលដៃនិងជើងឡើងលឿង ហើយកន្ត្រាក់ទាញដៃ ជើង ចំណែកភ្នែកចេះតែហូទឹកភ្នែក ។ ដោយសារតែមានជំងឺបែបនេះ ទើបធ្វើអោយគាត់គិតខ្លី បានធ្វើដំណើរមកលោតទឹកសម្លាប់ខ្លួនតែម្តង ។
ស្ត្រីដដែលបានបញ្ជាក់ថា គាត់ពុំមានប្តី និងកូននោះទេ គឺរស់នៅជាមួយបងស្ត្រី ។ ស្ត្រីខាងលើត្រូវប្រជាសណ្តាប់ធ្លាប់ខណ្ឌជ្រោយចង្វានាំទៅកាន់ស្នាក់ការនគរបាលប៉ុស្តិ៍ ដើម្បីសាកសួរ ហើយក៏បានទាក់ទងបងប្អូនមកនាំយកទៅផ្ទះវិញ ៕
https://www.youtube.com/watch?v=eWJ3n4_5EEo
ចែករំលែកព័តមាននេះ