ស្បែករបស់មនុស្សយើងគឺជាសរីរាង្គដែលបញ្ជាក់ទៅលើអ្វីដែលអ្នកបានញ៉ាំ ។ បើសិនជាស្បែកមានជាតិប្រេងច្រើន នោះអ្នកនឹងកើតមុន ហើយរន្ធញើសរីក ធំៗទៀតផង ។ ដូច្នេះអ្នកត្រូវតែផ្លាស់ប្តូររបបអាហារ និងផលិតផលថែរក្សាសម្រស់ផង ។…
ស្បែករបស់មនុស្សយើងគឺជាសរីរាង្គដែលបញ្ជាក់ទៅលើអ្វីដែលអ្នកបានញ៉ាំ ។ បើសិនជាស្បែកមានជាតិប្រេងច្រើន នោះអ្នកនឹងកើតមុន ហើយរន្ធញើសរីក ធំៗទៀតផង ។ ដូច្នេះអ្នកត្រូវតែផ្លាស់ប្តូររបបអាហារ និងផលិតផលថែរក្សាសម្រស់ផង ។ ការយល់ដឹងនូវអ្វីដែលអ្នកគួរញ៉ាំលើករណីស្បែកមានជាតិប្រេងច្រើនគឺជារឿងល្អបំផុត ។ តើអ្នកគួរញ៉ាំអាហារអ្វីខ្លះទៅ ?
១-ផ្លែចេក ៖ ការញ៉ាំផ្លែចេករាល់ថ្ងៃអាចមានប្រយោជន៍ខ្លាំងបើសិនជាស្បែកអ្នកចេញជាតិប្រេងច្រើន ។ ផ្លែចេកសម្បូរជាតិប៉ូតាស្យូម ផូស្វ័រ និងវីតាមីន E ដែលអាចជួយឲ្យស្បែកភ្លឺថ្លាបាន ។ ផ្លែចេកក៏ជាភ្នាក់ងារច្រោះជាតិពុលដ៏ខ្លាំងក្លាដែរ ។ វាអាចជួយសម្រួលដល់រន្ធញើស និងបង្ការកុំឲ្យធូលីដីចូលទៅក្នុងរន្ធញើសបានដែរ ។
២-ត្រសក់ ៖ ត្រសក់ផ្ទុកទៅដោយជាតិទឹកច្រើនជាង៩០ភាគរយ ដូច្នេះហើយវាគឺជាភ្នាក់ងារបង្គ្រប់ជាតិទឹកដ៏ល្អ ។ ត្រសក់ក៏មានសមត្ថភាពប្រឆាំងការរលាក ដែលអាចជួយការពារមេរោគកុំឲ្យជ្រៀតចូលបានថែមទៀត ។ ត្រសក់ត្រូវបានគេដឹងថាផ្តល់ភាពភ្លឺរលោងដល់ស្បែក ។ ចូរចិតត្រសក់ជា ចំណិតៗ ហើយយកមកបិទលើស្បែកមុខ និងក ហើយលាងចោលនៅរយៈពេល១៥នាទីក្រោយ ។
៣-អាហារជាតិសរសៃ ៖ អាហារសម្បូរជាតិសរសៃមានដូចជា អង្ករសម្រូប និងស្រូវសាលី ហើយវាក៏សុទ្ធសឹងតែជួយជំរុញដល់ស្បែកភ្លឺថ្លាប្រកបដោយសុខភាពល្អថែមទៀត ។ អាហារសម្បូរជាតិសរសៃក៏អាចជួយច្រោះជាតិពុលពីក្នុងខ្លួន បំបាត់បញ្ហាស្បែកដូចជា មុន សញ្ញានៃភាពចាស់ ស្បែកជ្រីវជ្រួញ… ។ ជាតិសរសៃអាចបង្កើនកូឡាជែនដល់កោសិកា និងជួយឲ្យស្បែកតឹងល្អ ។
៤-គ្រាប់ផ្លែឈើ ៖ គ្រាប់ផ្លែឈើដូចជា ផ្លែវ៉ុលណាត់ អាលម៉ុន និងសណ្តែកដីគឺជាប្រភពដ៏អស្ចារ្យនៃវីតាមីន E ។ ថ្វីបើអ្នកអាចទទួលបានវីតាមីនមួយនេះពីអាហារផ្សេងក៏ដោយ តែគ្រាប់ផ្លែឈើគឺផ្តល់សុខភាពបំផុត ហើយអ្នកក៏អាចញ៉ាំវាបានគ្រប់ពេលដែរ ។ វីតាមីន E ជួយឲ្យរបួសនៅលើស្បែកឆាប់ជាទៀតផង ។
៥-បន្លែពណ៌បៃតង ៖ បន្លែពណ៌បៃតងគឺជាអាហារល្អបំផុតមួយសម្រាប់មនុស្សដែលមានស្បែកចេញខ្លាញ់ច្រើន។ ស្ពៃស្ពីណាច គឺជាបន្លែមែន តែវាអាចផលិតវីតាមីន C ដល់រាងកាយដើម្បីជួយប្រឆាំងការធ្វើអុកស៊ីតកម្មនៅលើមុខរាល់ថ្ងៃបាន (ស្រង់ពីគេហទំព័រសុខភាព) ៕
ចែករំលែកព័តមាននេះ