រាជធានីភ្នពេញ ៖ រថយន្តមួយគ្រឿងបើកបោះពួយយ៉ាងលឿនដោយខ្វះការប្រុងប្រយ័ត្នត្រង់ចំណុចផ្លូវកោងក៏ជ្រុលទៅបុកស្លាកប៉ាណូដែលនៅលើខឿនពុះចែកទ្រូងផ្លូវបណ្តាលឲ្យក្រឡាប់ផ្ងារជើងឆ្លងទៅផ្លូវម្ខាងទៀត បង្កឲ្យមានការណ៍ភ្ញាក់ផ្អើលឡើងកាលពីវេលាម៉ោង១០យប់ ថ្ងៃទី២២ ខែកក្កដា ឆ្នាំ២០១៨ ត្រង់ចំណុចក្បែរសាលាអន្តរជាតិប៊ែលធី តាមបណ្ដោយផ្លូវវេងស្រេង ស្ថិតក្នុងភូមិជ្រៃកោង…
រាជធានីភ្នពេញ ៖ រថយន្តមួយគ្រឿងបើកបោះពួយយ៉ាងលឿនដោយខ្វះការប្រុងប្រយ័ត្នត្រង់ចំណុចផ្លូវកោងក៏ជ្រុលទៅបុកស្លាកប៉ាណូដែលនៅលើខឿនពុះចែកទ្រូងផ្លូវបណ្តាលឲ្យក្រឡាប់ផ្ងារជើងឆ្លងទៅផ្លូវម្ខាងទៀត បង្កឲ្យមានការណ៍ភ្ញាក់ផ្អើលឡើងកាលពីវេលាម៉ោង១០យប់ ថ្ងៃទី២២ ខែកក្កដា ឆ្នាំ២០១៨ ត្រង់ចំណុចក្បែរសាលាអន្តរជាតិប៊ែលធី តាមបណ្ដោយផ្លូវវេងស្រេង ស្ថិតក្នុងភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេបានឃើញបុរសម្នាក់ជាអ្នកបើកបររថយន្តមួយគ្រឿង ពណ៌ទឹកប្រាក់ ពាក់ស្លាកលេខ ភ្នំពេញ ២S-៩៣១៦ និងមាននារីពីរនាក់រួមដំណើរជាមួយ ដោយធ្វើដំណើរតាមបណ្ដោយផ្លូវវេងស្រេង ក្នុងទិសដៅពីកើតទៅលិច ក្នុងល្បឿនយ៉ាងលឿនដូចហោះ លុះមកដល់ចំណុចកើតហេតុដែលជាផ្លូវកោង ស្រាប់តែរថយន្តខាងលើបើកទៅបុកស្លាកប៉ាណូដែលនៅលើខឿនពុះចែកទ្រូងផ្លូវទាំងកម្រោល បណ្តាលស្លាកប៉ាណូបាក់ដាច់ខ្ទាតជិត១០ម៉ែត្រ រីឯរថយន្តហោះផ្លោងឆ្លងផ្លូវទៅផ្លូវម្ខាងទៀតប្រមាណ៣០ម៉ែត្រក្រឡាប់ផ្ងារជើងរងការខូចខាតយ៉ាងដំណំ និងបណ្តាលឲ្យនារីម្នាក់ដែលរួមដំណើរក្នុងរថយន្តសន្លប់ស្ដូកស្ដឹង ត្រូវបានរថយន្តសង្គ្រោះបន្ទាន់ដឹកយកទៅសង្គ្រោះនៅគ្លីនិកឯកជន។
ក្រោយពេលកើតហេតុ សមត្ថកិច្ចមូលដ្ឋានក៏បានចុះមកដល់ចំណុចកើតហេតុហើយបានទាក់ទងទៅសមត្ថកិច្ចជំនាញចុះមកធ្វើការវាស់វែងស្ទូចយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញដើម្បីរង់ចាំម្ចាស់រថយន្តបង្កចូលខ្លួនមកធ្វើការដោះស្រាយតាមផ្លូវច្បាប់នៅពេលក្រោយ៕
ចែករំលែកព័តមាននេះ