រលឹមស្រិចៗពន្លះគ្នាពេញទំហឹងនៅក្បែរផ្សារសុវណ្ណា
- ភ្នំពេញ
រាជធានីភ្នំពេញ ៖ បុរសជាជនជាតិខ្មែរម្នាក់បានរងរបួសបាក់ជើងខាងស្តាំយ៉ាងធ្ងន់ធ្ងរ ខណៈរូបគេបើកបរ ក្នុងទិសដៅបញ្ច្រាសទិសបោះពួយក្នុងល្បឿនយ៉ាងលឿនទៅបុកជាមួយនឹងម៉ូតូមួយគ្រឿងទៀតដែលបើកបរដោយបុរសជនជាតិចិនម្នាក់ចំពីមុខពេញទំហឹង និងខ្ទាតអូសទៅបុកផ្ទុបនឹងជញ្ជាំងផ្ទះក្បែរនោះទៀត។ ករណីគ្រោះថ្នាក់ចរាចរណ៍នេះបានកើតឡើងនៅវេលាម៉ោង១និង១៥នាទីថ្ងៃត្រង់ថ្ងៃទី២២ ខែកក្កដា ឆ្នាំ២០១៨ នៅត្រង់ចំណុចផ្លូវ…
តាមប្រភពព័ត៌មានពីនគរបាលបានប្រាប់ឱ្យដឹងថា មុនពេលកើតហេតុ ខណៈដែលមេឃកំពុងមានភ្លៀងធ្លាក់រលឹមស្រិចៗនោះ គេបានឃើញបុរសជាជនជាតិខ្មែរម្នាក់ ដែលមានអាយុប្រមាណជាង២០ឆ្នាំ បានជិះម៉ូតូមួយគ្រឿងម៉ាកហុងដា CLICK ពណ៌ក្រហម ពាក់ស្លាកលេខ ភ្នំពេញ ២AD-៣៣៤៩ ក្នុងទិសដៅពីត្បូងទៅជើងតែម្នាក់ឯងក្នុងល្បឿនយ៉ាងលឿន លុះមកដល់ចំណុចកើតហេតុខាងលើ ដែលជាចំណុចផ្លូវបំបែកជា៤នោះ បុរសជាជនជាតិខ្មែរម្នាក់នោះបានបើកម៉ូតូបត់ស្តាំក៏ទៅបុកជាមួយនឹងម៉ូតូមួយគ្រឿងទៀតម៉ាក HAYATE ពណ៌ទឹកក្រូច ពាក់ស្លាកលេខ ភ្នំពេញ ១AD-០៤៧៧ ដែលបើកបរដោយបុរសជនជាតិចិនម្នាក់ចំពីមុខពេញទំហឹង និងខ្ទាតអូសម៉ូតូទៅបុកផ្ទុបនឹងជញ្ជាំងផ្ទះមួយដែលនៅក្បែរនោះថែមទៀត។
តាមប្រភពដដែលបានប្រាប់បន្តទៀតថា ពាក់ព័ន្ធទៅនឹងករណីគ្រឿថ្នាក់ចរាចរណ៍រវាងម៉ូតូទាំងពីរគ្រឿងខាងលើបុកគ្នានេះដែរ គឺបណ្តាលមកពីបុរសជាជនជាតិខ្មែរបើកបរក្នុងល្បឿនលឿន និងលើផ្លូវបញ្ច្រាស
ក្រោយពេលកើតហេតុ បុរសជនជាតិខ្មែរដែលរងរបួសធ្ងន់ធ្ងរត្រូវបានរថយន្តសាមុយរបស់គ្លីនិកឯកជនមួយមកដឹកយកទៅសង្គ្រោះ ហើយសមត្ថកិច្ចធ្វើការវាស់វែង និងយកម៉ូតូទាំង២គ្រឿងទៅរក្សាទុកនៅអធិការដ្ឋាននគរបាលខណ្ឌចំការមន ដើម្បីរង់ចាំធ្វើការដោះស្រាយជាបន្តទៅទៀត ៕
ចែករំលែកព័តមាននេះ