ខេត្តកំពត ៖ ជនជាតិវៀតណាមលក់មាន់ទា-ព្រាប និងទន្សាយនៅតាមទីប្រជុំជន តែអាជ្ញាធរព្រំដែនខ្មែរថា អត់មានចូលបានទេ គេតែងតែប្រទះឃើញជនជាតិវៀតណាមជិះម៉ូតូដឹកមាន់សម្លីមាន់ជើងខ្មៅ កូនទាទន្សាយ និងព្រាបដើរលក់តាមផ្សារគ្រប់ច្រកល្ហក ក្នុងស្រុកកំពង់ត្រាច ខេត្តកំពត ។
ប្រជាពលរដ្ឋខ្លះបានទិញមាន់សម្លី និងមាន់ជើងខ្មៅយកធ្វើម្ហូប ហើយពលរដ្ឋខ្លះទៀតមិនហានទិញយកទៅធ្វើម្ហូបទេ ព្រោះគេខ្លាចឆ្លងជំងឺផ្ដាសាយបក្សី ព្រោះគេបានដឹងថា ជំងឺផ្ដាសាយបក្សីបានផ្ទុះមុនគេ នៅឃុំបឹងសាលាខាងត្បូង ក្នុងស្រុកកំពង់ត្រាច កាលពីប៉ុន្មានឆ្នាំមុននេះ ។
បងស្រីម្នាក់នៅភូមិព្រៃកឹក ឃុំប្រាសាទភ្នំខ្យង ស្រុកកំពង់ត្រាចបាននិយាយប្រាប់ឲ្យដឹងថា ជនជាតិវៀតណាមពិតជាបានលក់មាន់ និងកូនទា-ព្រាបទន្សាយតាមផ្សារ និងតាមភូមិមែន ។ បងស្រីនិយាយថា វាពិតជាគួរឲ្យខ្លាចណាស់ ជំងឺផ្ដាសាយបក្សី ។ បងស្រីបានឲ្យអាជ្ញាធរព្រំដែនច្រកទ្វារអន្តរជាតិជួយទប់ស្កាត់មិនឲ្យជនជាតិវៀតណាមចូលមកលក់មាន់ទារបន្តទៀត ។
លោក តុប ចិន្ថា នាយរងនគរបាលប៉ុស្តិ៍ត្រួតពិនិត្យព្រំដែនច្រកទ្វារអន្តរជាតិព្រែកចាកបាននិយាយប្រាប់ឲ្យដឹងរឿងថា ជនជាតិវៀតណាមដឹកមាន់ទាឆ្លងកាត់ច្រកទ្វារនេះទៅលក់នៅស្រុកកំពង់ត្រាចទេ ។ លោក តុប ចិន្ថានិយាយប្រាប់បន្តថា បើចូលប្រហែលចូលតាមច្រកទ្វារទ្វេភាគីតន់ហន់ក៏មិនដឹង ។
មន្ត្រីពេទ្យសត្វប្រចាំការនៅព្រំដែនច្រកទ្វារអន្តរជាតិព្រែកចាក់បាននិយាយច្រនៀង និងនគរបាលច្រកទ្វារព្រែកចាកដែរ មិនដែលឃើញជនជាតិវៀតណាមដឹកមាន់ទារឆ្លងទៅលក់ឲ្យពលរដ្ឋខ្មែរយើងដែរ ប្រជាជនដឹកតាមផ្លូវវាងក៏មិនដឹង ។ មន្ត្រីព្រំដែនសុទ្ធតែបានបដិសេធរៀងៗខ្លួន តែអ្នកលក់មាន់ជាជនជាតិវៀតណាមនៅតែមានហូរហែតាមទីប្រជុំជន ៕
ចែករំលែកព័តមាននេះ