សារព័ត៌មានពីប្រទេសឥណ្ឌាផ្សាយថាកាលពីពេល ថ្មីៗកន្លងមកភូមិមួយ ក្នុងតំបន់Kubersthan រដ្ឋUttar Pradesh ឪពុក និងកូនស្រីបានបញ្ចប់បញ្ហានៅក្នុងជីវិតដោយចងកធ្វើអត្តឃាតទាំងក្រុមគ្រួសារចំនួន៣នាក់ ។ របាយការណ៍បញ្ជាក់ថា កាលពីពេល…
សារព័ត៌មានពីប្រទេសឥណ្ឌាផ្សាយថាកាលពីពេល ថ្មីៗកន្លងមកភូមិមួយ ក្នុងតំបន់Kubersthan រដ្ឋUttar Pradesh ឪពុក និងកូនស្រីបានបញ្ចប់បញ្ហានៅក្នុងជីវិតដោយចងកធ្វើអត្តឃាតទាំងក្រុមគ្រួសារចំនួន៣នាក់ ។
របាយការណ៍បញ្ជាក់ថា កាលពីពេល ថ្មីៗកន្លងមក ឪពុកអាយុ៥០ឆ្នាំបាននាំកូនស្រីទៅពិនិត្យឈាមរកមើលវីរុសHIV ប៉ុន្តែមិននឹកស្មានថាលទ្ធផលដែលបង្ហាញមានលក្ខណៈជាវិជ្ជមាន ធ្វើឲ្យពួកគេបានបញ្ចប់ជីវិតទាំងក្រុមគ្រួសារ ។ អ្នកឃើញហេតុការណ៍បង្ហើបឲ្យដឹងថា កូនស្រីម្នាក់អាយុ២១ឆ្នាំ ម្នាក់ទៀតអាយុ១២ឆ្នាំ មុនពេលកើតហេតុកូនស្រីច្បងបានរៀបការបែកផ្ទះ ប៉ុន្តែកាលពី១ខែមុននាងបានពិនិត្យឃើញមានវីរុសHIV ក្រោយមកទើបក្រុមគ្រួសាររបស់ប្ដីបណ្ដេញចេញពីផ្ទះ ។
ចំណែកប៉ូលិសឲ្យដឹងថាកាលពីប៉ុន្មានឆ្នាំមុនប្រពន្ធរបស់បុរសរូបនោះបានស្លាប់ដោយសារកើតអេដស៍ ខណៈពេលមានអ្នកស្រុកម្នាក់បង្ហើបឲ្យដឹងថា ស្ថានភាពសេដ្ឋកិច្ចនៅក្នុងក្រុមគ្រួសាររបស់ពួកគេមិនសូវល្អទេ ។ កាលពីមុននេះកូនស្រីពៅហាក់ដូចជាមានសុខភាពមិនសូវល្អ ឪពុកក៏នាំទៅពិនិត្យឈាមរកវីរុសHIV លទ្ធផលបានបង្ហាញជាលក្ខណៈវិជ្ជមាន ។
បច្ចុប្បន្នប៉ូលិសកំពុងស្រាវជ្រាវបន្តដើម្បីរកមើលពីមូលហេតុនៃការស្លាប់របស់ពួកគេ ៕
ចែករំលែកព័តមាននេះ