ខេត្តកណ្តាល ៖ កូនប្រុសស្រែកទារលុយពីឪពុក ម្តាយ មិនបាន វាយបំផ្លាញទ្រព្យសម្បត្តិ និងយកកាំបិតបុ័ងតោផ្លែដែកដងឈើគំរាមកាប់ម្តាយបង្កើតនិងប្អូនស្រីផ្អើលពេញភូមិ ត្រូវសមត្ថកិច្ចចាប់វាយខ្នោះ។ ហេតុការណ៍នេះបានកើតឡើងកាលពីវេលាម៉ោង២និង៤៥រសៀលថ្ងៃទី២១ កក្កដា…
ខេត្តកណ្តាល ៖ កូនប្រុសស្រែកទារលុយពីឪពុក ម្តាយ មិនបាន វាយបំផ្លាញទ្រព្យសម្បត្តិ និងយកកាំបិតបុ័ងតោផ្លែដែកដងឈើគំរាមកាប់ម្តាយបង្កើតនិងប្អូនស្រីផ្អើលពេញភូមិ ត្រូវសមត្ថកិច្ចចាប់វាយខ្នោះ។ ហេតុការណ៍នេះបានកើតឡើងកាលពីវេលាម៉ោង២និង៤៥រសៀលថ្ងៃទី២១ កក្កដា ឆ្នាំ២០១៨ នៅចំណុចភូមិកណ្តាលលើ ឃុំបន្ទាយដែកស្រុកកៀនស្វាយ ខេត្តកណ្តាល ។
ស្ត្រីរងគ្រោះជាម្តាយឈ្មោះសួន ម៉ាច អាយុ៤៦ឆ្នាំ មានទីលំនៅភូមិកណ្តាលលើ ឃុំបន្ទាយដែកស្រុកកៀនស្វាយ ខេត្តកណ្តាល ។ ចំណែកជនសង្ស័យត្រូវជាកូនឈ្មោះ ផាន សិលា ភេទប្រុស អាយុ២២ឆ្នាំ មុខរបរមិនពិតប្រាកដ មានទីលំនៅភូមិកណ្តាលលើ ឃុំបន្ទាយដែក ស្រុកកៀនស្វាយ ខេត្តកណ្តាល ។
តាមប្រភពពីសាក្សីបានអោយដឹងថា ជនសង្ស័យបានស្រែកទារលុយម្តាយនិងរករឿងក្រុមគ្រួសារវាយបំផ្លិចបំផ្លាញទ្រព្យសម្បត្តិនៅក្នុងផ្ទះ និងយកកាំបិតបុ័ងតោផ្លែដែកដងឈើ គំរាមកាប់ម្តាយបង្កើត និងប្អូនស្រីរបស់ខ្លួនថែមទៀត ។ ពេលនោះស្ត្រីរងគ្រោះជាម្តាយបានទូរស័ព្ទប្តឹងមកប៉ុស្តិ៍នគរបាលរដ្ឋបាលបន្ទាយដែក បន្ទាប់មកនគរបាលប៉ុស្តិ៍បានចុះទៅដល់កន្លែងកើតហេតុ និងឃាត់ខ្លួនជនសង្ស័យមកប៉ុស្តិ៍នគរបាលដើម្បីសួរនាំ និងបញ្ជូនមកអធិការដ្ឋានស្រុកកៀនស្វាយ ដើម្បីបន្តចាត់ការតាមនីតិវិធី៕
ចែករំលែកព័តមាននេះ