ខេត្តបន្ទាយមានជ័យ ៖ ផ្លូវលំ៤ខ្សែប្រវែង១,៨៣០ម៉ែត្រ ដែលរងការខូចខាតត្រូវបានជួសជុលកសាងដោយថវិកាលោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងារថ្នាក់ជាតិចុះជួយខេត្តបន្ទាយមានជ័យដែលត្រូវបានធ្វើការជួសជុលកសាងនៅថ្ងៃទី១៩ ខែកក្កដា ឆ្នាំ២០១៨…
ខេត្តបន្ទាយមានជ័យ ៖ ផ្លូវលំ៤ខ្សែប្រវែង១,៨៣០ម៉ែត្រ ដែលរងការខូចខាតត្រូវបានជួសជុលកសាងដោយថវិកាលោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងារថ្នាក់ជាតិចុះជួយខេត្តបន្ទាយមានជ័យដែលត្រូវបានធ្វើការជួសជុលកសាងនៅថ្ងៃទី១៩ ខែកក្កដា ឆ្នាំ២០១៨ នៅស្រុកភ្នំស្រុក ។
លោក យឹម សំណាង អភិបាលស្រុកភ្នំស្រុកបានប្រាប់ថា ផ្លូវលំ៤ខ្សែរប្រវែង១,៨៣០ម៉ែត្រនេះគឺជួបការលំបាកដល់ប្រជាពលរដ្ឋចេញចូលភក់ជ្រាំនៅរដូវវស្សាជាច្រើនឆ្នាំមកហើយ ដោយបានការយកចិត្តទុកដាក់ពីលោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងារថ្នាក់ជាតិចុះជួយខេត្តបន្ទាយមានជ័យ និងលោកជំទាវ ម៉ៅ ម៉ាល័យ ហើយអាជ្ញាធរស្រុករួមមន្ត្រីដឹកនាំគ្រឿងចក្រធ្វើការជួសជុលកសាងផ្លូវឡើងវិញ ដើម្បីប្រជាពលរដ្ឋទៅមកបានស្រួល ។
លោកបានបញ្ជាក់ថា ក្នុងស្រុកភ្នំស្រុកទូទាំងខេត្តបន្ទាយមានជ័យទទួលបានលោកឧបនាយករដ្ឋមន្ត្រី កែ គឹមយ៉ាន និងលោកជំទាវ ម៉ៅ ម៉ាល័យ មានអគារសាលារៀន ផ្លូវ និងសមទ្ធិផលជាច្រើនទៀត ស្របតាមគោលនយោបាយរបស់រាជរដ្ឋាភិបាលកម្ពុជាក្រោមការដឹកនាំដោយសម្តេចតេជោ ហ៊ុន សែន ជានាយករដ្ឋមន្ត្រីនៃព្រៈរាជាណាចក្រកម្ពុជាដែលកំពុងមានការអភិវឌ្ឍន៍មានការរីកចម្រើនគ្រប់វិស័យ និងកាត់បន្ថោយភាពក្រីក្រជូនប្រជាពលរដ្ឋ ។
លោក យឹម សំណាង បានណែនាំដល់បងប្អូនប្រជាពលរដ្ឋក្រោយពេលទទួលបានសមទ្ធិផលផ្លូវ ហើយត្រូវចូលរួមថែរក្សាឲ្យបានគង់វង់ និងការពារបរិស្ថានមិនចូលចោលសំរាមចូលប្រឡាយ បណ្តាលឲ្យស្ទៈត្រូវចូលរួមថែរក្សាទាំងអស់គ្នា ៕
ចែករំលែកព័តមាននេះ