រាជធានីភ្នំពេញ៖ អាជ្ញាធរខណ្ឌដង្កោបានអះអាងថា ទំនប់សណ្តរស្ទឹងព្រែកត្នោត ដែលជាទំនប់ការពារទឹកជំនន់ដ៏សំខាន់ប៉ែកខាងលិចឆៀងខាងត្បូងរាជធានីភ្នំពេញ មានរូងនាគ និងមានទឹកហូរខាងក្រោមជាច្រើនកន្លែង ហើយលោកអភិបាលរាជធានីភ្នំពេញណែនាំឲ្យមន្ទីរធនធានទឹកប្រើគ្រឿងចក្រកាយបិទភ្លាមជាបន្ទាន់ ដើម្បីទប់ស្កាត់កុំឲ្យទឹកហូរច្រោះ ដែលអាចឈានទៅធ្វើឲ្យបាក់ទំនប់នោះតែម្តង ។…
រាជធានីភ្នំពេញ៖ អាជ្ញាធរខណ្ឌដង្កោបានអះអាងថា ទំនប់សណ្តរស្ទឹងព្រែកត្នោត ដែលជាទំនប់ការពារទឹកជំនន់ដ៏សំខាន់ប៉ែកខាងលិចឆៀងខាងត្បូងរាជធានីភ្នំពេញ មានរូងនាគ និងមានទឹកហូរខាងក្រោមជាច្រើនកន្លែង ហើយលោកអភិបាលរាជធានីភ្នំពេញណែនាំឲ្យមន្ទីរធនធានទឹកប្រើគ្រឿងចក្រកាយបិទភ្លាមជាបន្ទាន់ ដើម្បីទប់ស្កាត់កុំឲ្យទឹកហូរច្រោះ ដែលអាចឈានទៅធ្វើឲ្យបាក់ទំនប់នោះតែម្តង ។
លោក ឃួង ស្រេង អភិបាលរាជធានីភ្នំពេញ រួមជាមួយមន្ត្រីជំនាញពាក់ពន្ធ័ក្រោមឱវាទនារសៀលថ្ងៃទី២១ កក្កដានេះ បានចុះទៅពិនិត្យស្ថានភាពទឹកជំនន់ទឹកភ្លៀង និងសួរសុខទក្ខប្រជាពលរដ្ឋដែលកំពុងទទួលរងការលិចលង់នៅតំបន់មួយចំនួនក្នុងខណ្ឌដង្កោ ដើម្បីស្វែងយល់ពីតម្រូវការចាំបាច់ និងដោះស្រាយជូនពួកគាត់ភ្លាមៗ។
ក្នុងពេលនោះ លោក ឃួង ស្រេង បានណែនាំឲ្យមន្ត្រីជំនាញពាក់ពន្ធ័ អាជ្ញាធរដែនដីត្រូវរួមគ្នាគិតគូរដោះស្រាយ និងដាក់ចេញវិធានការចាំបាច់ឲ្យបានទាន់ពេលវេលាជូនប្រជាពលរដ្ឋដែលរងគ្រោះ រៀបចំទីទួលសុវត្ថិភាព និងរៀបចំទីតាំងស្នាក់ការកាកបាទក្រហមដែលអាចដាំស្លររួមគ្នាបានដើម្បីសំរួលការលំបាកដល់បងប្អូននៅពេលទឹកលិចផ្ទះសម្បែង រៀបចំឲ្យមានពេទ្យប្រចាំការនៅទីតាំងរងគ្រោះដើម្បីផ្តល់សេវាសុខា
ភិបាលជូនពួកគាត់។
ក្នុងពេលចុះពិនិត្យទំនប់៧មករា ឬទំនប់សណ្តរស្ទឹងព្រែកត្នោត ពិតជាមានរូងនាគ ដែលមានទឹកហូរក្រោមទំនប់ដោយកន្លែងនោះ លោក ឃួង ស្រេង បានណែនាំឲ្យមន្ទីរធនធានទឹក ប្រើគ្រឿងចក្រកាយបិទជាបន្ទាន់ ដើម្បីទប់ស្កាត់កុំឲ្យទឹកហូរច្រោះបន្តទៅទៀត ដែលអាចឈានទៅធ្វើឲ្យបាក់ទំនប់នោះតែម្តង។
អាជ្ញាធរខណ្ឌដង្កោ បានឲ្យដឹងថា គិតត្រឹមថ្ងៃទី២១ ខែកក្កដា ឆ្នាំ២០១៨នេះ សង្កាត់ដែលទទួលរងការលិចលង់ធ្ងន់ធ្ងរជាងគេ គឺសង្កាត់សាក់សំពៅ មានចំនួន៦ភូមិ ស្មើនឹង៤៥៤គ្រួសារ និងមានមនុស្សចំនួន២០៤៩នាក់ផងដែរ ៕
ចែករំលែកព័តមាននេះ