ខេត្តបន្ទាយមានជ័យ ៖ តាមប្រភពពីនគរបាលប៉ុស្តិ៍រដ្ឋបាលឃុំគោកបល្ល័ង្គឱ្យដឹងថា កាលពីវេលាម៉ោង០៩ និង៤៥នាទីព្រឹកថ្ងៃទី១៩ កក្កដា ក្មេងប្រុសម្នាក់ឈ្មោះនួន ម៉ាណាវ អាយុ២ឆ្នាំ រស់នៅភូមិគោកបល្ល័ង្គ…
ខេត្តបន្ទាយមានជ័យ ៖ តាមប្រភពពីនគរបាលប៉ុស្តិ៍រដ្ឋបាលឃុំគោកបល្ល័ង្គឱ្យដឹងថា កាលពីវេលាម៉ោង០៩ និង៤៥នាទីព្រឹកថ្ងៃទី១៩ កក្កដា ក្មេងប្រុសម្នាក់ឈ្មោះនួន ម៉ាណាវ អាយុ២ឆ្នាំ រស់នៅភូមិគោកបល្ល័ង្គ ឃុំគោកបល្ល័ង្គ ស្រុកមង្គលបូរី បានលង់ទឹកស្រះកៀនផ្ទះស្លាប់ ខណៈម្ដាយរវល់ទៅលក់ទឹកអំពៅ ហើយបានទុកកូនផ្ញើនៅអ៊ំ។ ពេលនោះ អ៊ំរវល់តែអង្គុយមើលទូរទស្សន៍ ភ្លេចគិតមានក្មួយនៅជាមួយ លុះពេលនឹកឃើញបាត់ ដើរទៅរកស្រាប់តែប្រទះឃើញសាកសពបានអណ្ដែតស្រះទៅហើយ ។
ដោយឡែក មួយករណីទៀតនៅស្រុកស្វាយចេក បើតាមការឱ្យដឹងពីនគរបាលមូលដ្ឋានបានប្រាប់ នៅថ្ងៃទី២០ កក្កដា ចន្លោះពីម៉ោងពី០២ និង៣០នាទី ដល់ម៉ោង០៤រសៀល ក្មេងស្រីម្នាក់បានលង់ទឹកស្លាប់ដែរ មានឈ្មោះ ធូ សុលី អាយុ៧ឆ្នាំ រស់នៅភូមិបន្ទាត់បោះ ឃុំតាផូ ស្រុកស្វាយចេក ។
ប្រភពបញ្ជាក់ថា ឪពុកម្ដាយក្មេងរងគ្រោះខាងលើ ជាប់ទៅធ្វើការនៅស្រុកថៃ ដោយទុកកូនឱ្យយាយតា
មើល ។ នៅថ្ងៃកើតហេតុ យាយតារវល់ទៅស្រែ ទុកចៅនៅផ្ទះម្នាក់ឯង ពេលនោះក្មេងស្រីរងគ្រោះនាំគ្នា ទៅដើរលេងជាមួយក្មេងម្នាក់ទៀត ឈ្មោះ អោក ចាន់ព្រេង អាយុ៧ឆ្នាំ ។ លុះទៅដល់ចំណុចកើតហេតុ នៅស្រះខាងត្បូងភូមិចំងាយ១០០ម៉ែត ក្មេងស្រីរងគ្រោះក៏ចុះងូតទឹកលេង បណ្តាលឱ្យលង់តែម្ដង ។
បន្ទាប់មកកុមារីឈ្មោះ អោក ចាន់ព្រេង ឃើញដូច្នេះ ក៏រត់មកហៅគេជួយ តែទម្រាំទៅដល់ ក្មេងរងគ្រោះបានស្លាប់ទៅហើយ ។
ចែករំលែកព័តមាននេះ