រាជធានីភ្នំពេញ ៖ ផ្ទះល្វែងជាន់ទី១ត្រូវបានអគ្គីភ័យឆាបឆេះផ្សេងហុយទ្រលោម បណ្តាលអោយរបស់របរមួយចំនួនបានរងការខូចខាត ខណៈម្ចាស់ផ្ទះចាក់សោទៅផ្សារ។ ហេតុការណ៍នេះបង្កអោយមានការភ្ញាក់ផ្អើលកាលពីម៉ោង១១និង២០នាទីព្រឹកថ្ងៃទី២០ ខែកក្កដា ឆ្នាំ២០១៨ នៅចំណុចផ្ទះលេខ២២៣ ផ្លូវ២០០២ ភូមិត្រពាំងឈូក សង្កាត់អូរបែកក្អម ខណ្ឌសែនសុខ។
ម្ចាស់ផ្ទះដែលត្រូវភ្លើងឆេះឈ្មោះ នូ គីមនាង ភេទស្រី អាយុ៦០ឆ្នាំ មុខរបរនៅផ្ទះ ស្នាក់នៅផ្ទះកើតហេតុខាងលើ ។
តាមប្រភពពីប្រជាពលរដ្ឋបានអោយដឹថា នៅមុនកើតហេតុ ម្ចាស់បានចាក់សោផ្ទះ រួចធ្វើដំណើរទៅផ្សារ ស្រាប់តែមានអគ្គីភ័យឆេះជាន់ទី១មានផ្សែងហុយទ្រលោម បង្កអោយមានការភ្ញាក់ផ្អើលដល់ប្រជាពលរដ្ឋ និងអាជ្ញាធរ សមត្ថកិច្ចនាំគ្នាវាយបំបែកកញ្ចក់ជួយពន្លត់ទាន់ ។
នៅក្នុងហេតុការណ៍នោះដែរ រថយន្តពន្លត់អគ្គីភ័យចំនួន៤គ្រឿងបានទៅអន្តរាគមន៍ តែពុំបានបាញ់នោះទេ ព្រោះអគ្គីភ័យបានឆាបឆេះអស់រយៈពេលប្រមាណជិតកន្លះម៉ោងបានរលត់ទៅវិញ ពុំបណ្តាលអោយឆេះរាលដាលដល់ផ្ទះអ្នកជិតខាងនោះឡើយ ។
តាមនគរបាលបានអោយដឹងថា អគ្គីភ័យនេះបណ្តាលមកពីទុស្សេខ្សែភ្លើងទូទឹកកក ហើយរបស់របរមួយចំនួននៅក្នុងផ្ទះជាន់ទី១ត្រូវភ្លើងឆេះដែរ តែពុំធ្ងន់ធ្ងរនោះទេ ៕
ចែករំលែកព័តមាននេះ