រាជធានីភ្នំពែញ ៖ សេចក្តីរាយការណ៍បឋមឱ្យដឹងថា គិតត្រឹមម៉ោង១០ព្រឹកថ្ងៃទី២០ កក្កដា ជំនន់ទឹកភ្លៀង បានហូរចូលទៅកាន់១៩ភូមិ បណ្តាលឱ្យលិចផ្ទះប្រជាពលរដ្ឋស្មើនិង១៩៦គ្រួសារ, វត្តអារ៉ាម, សាលារៀនសាលាសង្កាត់ និងប៉ុស្តិ៍នគរបាលជាច្រើនកន្លែងទៀតផង ។ នេះយោងតាមសមត្ថកិច្ចបានប្រាប់កោះសន្តិភាព នៅព្រឹកថ្ងៃដដែលនេះ ។
សេចក្តីរាយការណ៍បន្តថា នៅក្នុងនោះ តំបន់ដែលកំពុងប្រឈមលិចខ្លាំងមាន ១-ព្រៃស ២-ភូមិ៣៤គ្រួសារ ២-ទៀន២-ភូមិ១៧គ្រួសារ ៣-គងនយ២ភូមិ៥៨គ្រួសារ ៤-ស្ពានថ្ម៤ភូមិ ២២គ្រួសារ ៥-ជើងឯក ២ភូមិ១៧គ្រួសារ ៦-សាក់សំពៅ ៦ភូមិ២៦គ្រួសារ ៧-ដង្កោ ១ភូមិ២២គ្រួសារ ។
បច្ចុប្បន្ន អាជ្ញាធរកំពុងចុះអន្តរាគមន៍ ដើម្បីការពារ និងទប់ស្កាត់ហើយ ។ តែយ៉ាងណា ក៏សូមមានការចូលរួមប្រុងប្រយ័ត្នដោយខ្លួនឯងទាំងអស់គ្នា ។
ចែករំលែកព័តមាននេះ