រាជធានីភ្នំពេញ ៖ បុរសម្នាក់ស្រវឹងជោកបើករថយន្តឡិចស៊ីស៤៧០ក្នុងល្បឿនយ៉ាងលឿនទៅបុកក្បាលនាគពុះចែកទ្រូងផ្លូវបណ្តាលអោយបាក់និងវៀចអស់៣កង់ ហេតុការណ៍នេះបានកើតឡើងកាលពីវេលាម៉ោង១០យប់ថ្ងៃទី១៩ ខែកក្កដា ឆ្នាំ២០១៨ តាមបណ្តោយផ្លូវ២១៧ នៅចំណុចមុខផ្សារទំនើបស៊ីធីម៉ល ស្ថិតនៅក្នុងសង្កាត់វាលវង់ ខណ្ឌ៧មករា ។
សាក្សីដែលឃើញហេតុការណ៍បានអោយដឹងថា មុនពេលកើតហេតុ គេបានឃើញបុរសម្នាក់មិនស្គាល់អត្តសញ្ញាណក្នុងស្ថានភាពស្រវឹងជោកបានបើកបររថយន្តមួយគ្រឿងម៉ាកឡិចស៊ីស៤៧០ ពណ៌ខ្មៅ ពាក់ស្លាក់
លេខភ្នំពេញ ២S-៥៤៩៩ ធ្វើដំណើរតាមបណ្តោយផ្លូវ២១៧ ក្នុងទិសដៅកើតទៅលិចក្នុងល្បឿនយ៉ាងលឿន លុះពេលបើកបរមកដល់ចំណុចកើតហេតុខាងលើក៏ស្រាប់តែអ្នកបើកបររថយន្តងោកមួយភាំងរេចង្កូតទៅបុកក្បាលនាគពុះចែកទ្រូងផ្លូវបណ្តាលអោយវៀចអស់មួយកង់ ហើយរថយន្តបង្កមិនទាន់អស់ល្បឿននោះទេក៏ជ្រុលចង្កូតបើកទៅមុខ១០ម៉ែត្រក៏បន្តទៅបុកអស់២កង់ទៀត បណ្តាលរងការខូចខាតយ៉ាងដំណំ តែមិនមានបង្កគ្រោះថ្នាក់ដល់អ្នកធ្វើដំណើរតាមដងផ្លូវនោះទេ ។
បន្ទាប់ពីកើតហេតុ អ្នកបើកបររថយន្តបានឡើងជិះម៉ូតូរ៉ឺម៉កកង់បីគេចខ្លួនបាត់ស្រមោល បន្សល់ទុកតែរថយន្តនៅកន្លែងកើតហេតុប៉ុណ្ណោះ។
ក្រោយពេលកើតហេតុ រថយន្តខាងលើត្រូវបានសមត្ថកិច្ចធ្វើការវាស់វែងស្ទូចយកទៅរក្សាទុកនៅការិយា
ល័យចរាចរណ៍ផ្លូវគោករង់ចាំដោះស្រាយគ្នានៅពេលក្រោយទៀត ៕
ចែករំលែកព័តមាននេះ