ខេត្តព្រះសីហនុ ៖ ជនជាតិចិនជាកម្មកសំណង់ម្នាក់ត្រូវបានមិត្តភក្តិ និងប្រជាពលរដ្ឋអះអាងថា ត្រូវទឹករលកអូសបណ្តោយឲ្យបាត់ខ្លួននាល្ងាចថ្ងៃទី១៩ កក្កដា ឆ្នាំ២០១៨ នេះនៅ ចំណុចកន្ទុយនាគក្រុម១៤ ភូមិ០៤…
ខេត្តព្រះសីហនុ ៖ ជនជាតិចិនជាកម្មកសំណង់ម្នាក់ត្រូវបានមិត្តភក្តិ និងប្រជាពលរដ្ឋអះអាងថា ត្រូវទឹករលកអូសបណ្តោយឲ្យបាត់ខ្លួននាល្ងាចថ្ងៃទី១៩ កក្កដា ឆ្នាំ២០១៨ នេះនៅ ចំណុចកន្ទុយនាគក្រុម១៤ ភូមិ០៤ សង្កាត់០៤ ក្រុងព្រះសីហនុ ក្រោយពីបានចុះងូតទឹកលេងជាមួយមិត្តភក្តិ០៤នាក់ផ្សេងទៀត ។
យោងតាមប្រភពព័ត៌មានបឋមពីសមត្ថកិច្ចនៅកន្លែងកើតហេតុបានអះអាងថា នៅថ្ងៃទី១៩ ខែកក្កដានេះនៅវេលាម៉ោង១៨និង៣០នាទី នៅចំណុចកន្ទុយនាគក្រុម១៤ ភូមិ០៤ ក្រុងព្រះសីហនុមានករណីជនជាតិចិនម្នាក់ ភេទប្រុស បានត្រូវទឹករលកអូសបណ្តោយឲ្យបាត់ខ្លួន ។
តាមការឆ្លើយបំភ្លឺរបស់មិត្តភក្តិជនរងគ្រោះនៅក្នុងហេតុការណ៍បានរៀបរាប់ថា នៅវេលាម៉ោងខាងលើមានជនជាតិចិនមួយក្រុមមានគ្នា៥នាក់បានចុះមកលេងទឹកនៅ ឆ្នេរកន្ទុយនាគមួយសន្ទុះក្រោយមកមានចិនម្នាក់បានរសាត់ទៅឆ្ងាយពីក្រុមចម្ងាយប្រហែល ៣ម៉ែត្រត្រូវបានទឹករលកអូសចូលកន្លែងជ្រៅ ។ ឃើញដូចនោះក៏នាំគ្នារត់រកពោងទៅជួយ តែមិនដល់មួយនាទីផងក៏បាត់ខ្លួន ។
ជនរងគ្រោះឈ្មោះ LIU QIANG ភេទប្រុស អាយុ២៧ឆ្នាំ ។ កាន់លិខិតឆ្លងដែនលេខ E68478103 មុខរបរជាកម្មករសំណង់ ។ ក្រោយមកកម្លាំងនគរបាលប្រចាំការតំបន់នោះបានទំនាក់ទំនងជាមួយក្រុមម៉ូតូទឹកចំនួន២គ្រឿងមានគ្នា៤នាក់បានរុករកទីតាំងដែលជនរងគ្រោះលង់ទឹកនោះក៏ពុំបានរកឃើញ ។
គួរំលឹកផងដែរថា នៅតាមបណ្តោយឆ្នេរមួយចំនួននាដើមឆ្នាំនេះ គឺទើបតែមានការបាត់ខ្លួនជនជាតិចិនម្នាក់ តែប៉ុណ្ណោះព្រោះកន្លងមកក្រុមសមត្ថកិច្ចបានជួយសង្គ្រោះបានទាន់ពេលជាច្រើនលើកក្នុងករណីលង់ទឹកនេះខណៈកាលពីឆ្នាំមុនមានមនុស្សបាត់បង់ជីវិត ដោយលង់ទឹកនេះមិនក្រោម១០នាក់នោះទេ ។
ដូចនេះបងប្អូនប្រជាពលរដ្ឋ និងភ្ញៀវទេសចរណ៍ដែលមកកម្សាន្ត គួរតែមានការប្រុងប្រយ័ត្ននៅពេលចុះលេងទឹកម្តងៗនៅពេលមានរលកធំៗ ៕
ចែករំលែកព័តមាននេះ