រាជធានីភ្នំពេញ ៖ សេចក្តីរាយការណ៍ឱ្យដឹងថា យុវជនម្នាក់បានសម្រេចចិត្តចង.កសម្លាប់ខ្លួន នៅក្នុងបន្ទប់ឡៅតឿជាន់ទី៤ ក្រោយរូបគេសំុលុយម្តាយ២០០ដុល្លារមិនបាន ដែលបង្កការភ្ញាក់ផ្អើលយ៉ាងខ្លាំង កាលពីវេលាម៉ោង០២រសៀលថ្ងៃទី១៩ កក្កដា ស្ថិតនៅចំណុចផ្ទះលេខ១០A…
រាជធានីភ្នំពេញ ៖ សេចក្តីរាយការណ៍ឱ្យដឹងថា យុវជនម្នាក់បានសម្រេចចិត្តចង.កសម្លាប់ខ្លួន នៅក្នុងបន្ទប់ឡៅតឿជាន់ទី៤ ក្រោយរូបគេសំុលុយម្តាយ២០០ដុល្លារមិនបាន ដែលបង្កការភ្ញាក់ផ្អើលយ៉ាងខ្លាំង កាលពីវេលាម៉ោង០២រសៀលថ្ងៃទី១៩ កក្កដា ស្ថិតនៅចំណុចផ្ទះលេខ១០A តាមបណ្តោយផ្លូវលេខ៦៥៦ ក្នុងភូមិតាងៅ សង្កាត់និរោធ ខណ្ឌច្បារអំពៅ រាជធានីភ្នំពេញ ។
សេចក្តីរាយការណ៍បន្តថា ជនរងគ្រោះខាងលើ ឈ្មោះ វង្ស គង្គា ភេទប្រុស អាយុ២៨ឆ្នាំ មុខរបរនៅផ្ទះ មានទីលំនៅកន្លែងកើតហេតុ ។ បើតាមសាច់ញាតិបានឱ្យដឹងថា ជនរងគ្រេាះជាមនុស្សបំផ្លាញគ្រួសារ ដោយដើរលេងឥតប្រយោជន៍ច្រើននៅខាងក្រៅ និងឧស្សាហ៍យកទ្រព្យសម្បត្តិ ក៏ដូចជាម៉ូតូទៅបញ្ចាំទៀតផង ។
ប្រភពបន្តថា នៅថ្ងៃកើតហេតុ វេលាម៉ោង១១ព្រឹក បុរសរងគ្រេាះបានមកសំុលុយម្តាយចំនួន២០០ដុល្លារ ដើម្បីយកទៅលោះម៉ូតូ ( មិនដឹងថា បញ្ចាំយកលុយធ្វើអ្វីទេ ) តែត្រូវស្ត្រីជាម្តាយបដិសេធ ហើយរឿងនេះបានដឹងដល់បងស្រីបង្កើតរបស់គេ ជាហេតុធ្វើឱ្យបងស្រីស្តីឱ្យ និងបានទះកំភ្លៀង ។
ភ្លាមៗនោះ ជនរងគ្រេាះក៏បានឡើងទៅសំងំក្នុងបន្ទប់ជាន់ទី៤តែម្នាក់ឯង តាំងពីពេលនោះមក រហូតដល់វេលាម៉ោង០១រសៀល ត្រូវក្មួយស្រីជនរងគ្រេាះដែលមានអាយុ៥ឆ្នាំបានឡើងទៅបន្ទប់របស់គេ ដើម្បីយកអាយផេត តែហៅមិនឆ្លើយសោះ ។ ក្មួយឃើញពូជាប់នៅលើជញ្ចាំង ក៏ចុះមកប្រាប់យាយ (ម្តាយបង្កើតជនរងគ្រេាះ) ឱ្យឡើងទៅមើល ពេលឡើងទៅដល់ឃើញដូចនោះហើយ ស្ត្រីជាម្តាយបានស្រែកឆោឡោឱ្យបងប្អូនមកជួយលើកចុះក្រោម តែអកុសលពេលលើកចុះមក ជនរងគ្រេាះត្រូវស្លាប់បាត់បង់ជីវិតទៅហើយ ដោយរូបគេយកខ្សែភ្លើងចង.ក ជាមួយដំបូលផ្ទះ។
មុនពេលស្លាប់ ជនរងគ្រេាះក៏បានសរសេរសំបុត្រ១ច្បាប់ទៅកាន់ស្ត្រីជាម្តាយ ដោយសរសេរថា ៖ «ម៉ាក់ឱ្យកូនសំុអភ័យទោសផង ដែលតែងតែធ្វើឱ្យពិបាកចិត្ត ម៉ែល្អណាស់ ម៉ែតែងជួយកូនរហូត តែអាកូនថោកទាបនេះ ធ្វើឱ្យគ្រួសារមិនមានកិត្តិយសទេ បើអត់មាខ្ញំុបែបល្អជាងនេះ កូនលែងចង់រស់ទៀតហើយ ជីវិតគ្មានន័យអីទេ ម៉ែកូនស្រលាញ់ម៉ែណាស់ កូនលាសិនហើយម៉ែ» ។
ចែករំលែកព័តមាននេះ