ខេត្តកណ្តាល ៖ បុរសម្នាក់បានលួចចូលទៅក្នុងបន្ទប់ ហើយចាប់រំលោភក្មេងស្រីម្នាក់ ដែលមានសតិមិនប្រក្រតី តែម្តាយនាងមកទាន់ក៏ចាប់ខ្លួននិងប្តឹងសមត្ថកិច្ច ។ ហេតុការណ៍នេះ កើតឡើងកាលពីថ្ងៃទី១៦ ខែកក្កដា វេលាម៉ោង៤និង៣០នាទីល្ងាច នៅផ្ទះក្មេងស្រីក្នុងឃុំភ្នំបាត ស្រុកពញាឮ ។
ក្មេងស្រីរងគ្រោះមានអាយុ១៥ឆ្នាំ ចំណែកជនសង្ស័យឈ្មោះ ជន់ ខួច អាយុ២៨ឆ្នាំ ។ តាមព័ត៌មានឲ្យដឹងថា មុនពេលកើតហេតុ ម្តាយក្មេងស្រីបានដើរទៅទិញសាប៊ូនៅផ្ទះតៀមមួយក្នុងភូមិ ចំណែកកូនស្រីនៅផ្ទះតែម្នាក់ឯង រីឯឪពុកមិនទាន់មកពីធ្វើការសំណង់ទេ ។ ក្រោយពីទិញសាប៊ូរួចត្រឡប់មកដល់ផ្ទះវិញ ឃើញកូនស្រីដើរចេញពីក្នុងបន្ទប់ និងលើកខោស្លៀក រួចមកអង្គុយនៅលើគ្រែមុខផ្ទះ បន្ទាប់មកឃើញជនឈ្មោះ ជន់ ខួច ដើរចេញពីបន្ទប់នោះដែរ ។
ភ្លាមនោះ ម្តាយក្មេងស្រីមានការសង្ស័យក៏ឃាត់ជនសង្ស័យឲ្យនៅអង្គុយលើគ្រែមុខផ្ទះជាមួយគ្នា ហើយម្តាយនាងបានសួរទៅកូនស្រី នាងក៏ប្រាប់ថា ជននេះចាប់រំលោភ ។ បន្ទាប់មក ស្ត្រីជាម្តាយបានសួរជនសង្ស័យ ហើយក៏បានឃាត់ទុករង់ចាំប្តីមកវិញនឹងប្តឹងសមត្ថកិច្ច។
លុះនៅវេលាម៉ោងប្រហែលជាង៥ល្ងាច ប្តីគាត់មកដល់ផ្ទះវិញ ក៏នាំជនសង្ស័យឈ្មោះ ជន់ ខួចទៅប្រគល់ឱ្យនគរបា លប៉ុស្តិ៍ភ្នំបាត និងដាក់ពាក្យបណឹ្តឹ ងចោទប្រកាន់ពីបទរំលោភសេពសន្ថវៈកូនស្រីរបស់គាត់ ។តាមប្រភពព័ត៌មាននៅល្ងាចថ្ងៃ១៧ កក្កដា លោកស្រីពេជ ម៉ារ៉ែន ចៅក្រមសើុបសួរបានចេញដីកាឃុំខ្លួនតាមមាត្រា២៤១នៃក្រមព្រហ្មទណ្ឌ ៕
ចែករំលែកព័តមាននេះ