ប្រទេសតួកកី ៖ ប្រទេសតួកគីនាថ្ងៃទី១៨ កក្កដា ប្រកាសលុបចោលការប្រកាសអាសន្នក្នុងប្រទេស ដែលមានជាធរមានចាប់តាំងពី២ឆ្នាំមកហើយ ក្រោយរដ្ឋប្រហារមិន សម្រេច កាលពីយប់ថ្ងៃទី១៥ មកថ្ងៃទី១៦ កក្កដា ឆ្នាំ២០១៦។
ការប្រកាសអាសន្នបានពង្រីកអំណាចរបស់ប្រធានាធិបតី និងកងកម្លាំងសន្តិសុខ ហើយអាចដាក់ទោសពួកអ្នកធ្វើរដ្ឋប្រហារ ព្រមទាំងពួកអ្នកគាំទ្រ។ ការដាក់ទោសនេះអាចឲ្យរដ្ឋាភិបាល បង្ក្រាបពួកប្រឆាំងខាងនយោបាយ បណ្ដាសាស្ត្រាចារ្យសាកលវិទ្យាល័យ សារព័ត៌មាន អង្គការក្រៅរដ្ឋាភិបាល ដោយចោទប្រកាន់ពួកគេថា មានសមានចិត្តចំពោះពួកឃើត ឬពួកភេរវករ។
ក្រុងអង់ការ៉ា បានចោទគ្រូប្រដៅសាសនាលោក FETHULLAH GULEN ដែលរស់នៅសហរដ្ឋអាមេរិកចាប់តាំងពី២០ឆ្នាំមកហើយថា នៅពីក្រោយរដ្ឋប្រហារនោះ។ រយៈពេល២ឆ្នាំចុងក្រោយនេះ មនុស្សជិត៨០.០០០នាក់សង្ស័យមានទំនាក់ទំនងជាមួយរដ្ឋប្រហារ ឬជាមួយភេរវកម្ម ត្រូវចាប់ខ្លួន។ ចំណែកមន្ត្រីរដ្ឋការជាង១៥០.០០០នាក់ត្រូវដេញចេញ ឬផ្អាកការងារ។
ពីដំបូងគ្រោងសម្រាប់រយៈពេល៣ខែ ការប្រកាសអាសន្នត្រូវពន្យារពេល៧លើក ដោយការពន្យារពេលលើកចុងក្រោយត្រូវផុតកំណត់ ត្រឹមថ្ងៃទី១៨កក្កដា វេលាម៉ោង១រំលងអធ្រាត្រម៉ោងក្នុងស្រុក។
១ខែក្រោយជាប់ឆ្នោតប្រធានាធិបតី និងឈ្នះឆ្នោតសភា របស់ប្រធានាធិបតី លោករីស៊ីបតៃយីបអ័រដូហ្គាន រដ្ឋាភិបានសម្រេចថា លែងពន្យារពេលការប្រកាសអាសន្ននេះទៀត៕
ចែករំលែកព័តមាននេះ