រាជធានីភ្នំពេញ ៖ រថយន្តស៊េរីទំនើបមួយគ្រឿងម៉ាកស៊ីណា ពណ៌ស បានក្រពឹត និងធ្លាក់កាងខាងមុខ រងការខូចខាតយ៉ាងដំណំ និងរថយន្តមួយគ្រឿងទៀតម៉ាកកាមរីបាឡែនរងការខូចខាតក្រពឹតផ្នែកខាងឆ្វេងមួយចំហៀងផងដែរ ខណៈដែលរថយន្តទាំងពីរគ្រឿង ដោយមួយគ្រឿងបើកបរផ្លូវត្រង់…
រាជធានីភ្នំពេញ ៖ រថយន្តស៊េរីទំនើបមួយគ្រឿងម៉ាកស៊ីណា ពណ៌ស បានក្រពឹត និងធ្លាក់កាងខាងមុខ រងការខូចខាតយ៉ាងដំណំ និងរថយន្តមួយគ្រឿងទៀតម៉ាកកាមរីបាឡែនរងការខូចខាតក្រពឹតផ្នែកខាងឆ្វេងមួយចំហៀងផងដែរ ខណៈដែលរថយន្តទាំងពីរគ្រឿង ដោយមួយគ្រឿងបើកបរផ្លូវត្រង់ និងមួយគ្រឿងទៀតបើកបត់ក៏ទៅបុកគ្នា ហើយដោះស្រាយមិនចេញ និងនិយាយប្រកែកយកតែត្រូវរៀងៗខ្លួននោះ។ ករណីគ្រោះថ្នាក់ចរាចរណ៍នេះដែរបានកើតឡើងកាលពីវេលាម៉ោង ១២និង៣០នាទីថ្ងៃត្រង់ ថ្ងៃទី១៩ ខែកក្កដា ឆ្នាំ ២០១៨ នៅត្រង់ចំណុចផ្លូវលេខ៣១០កែងនឹងផ្លូវ១៤៣ ក្នុងសង្កាត់បឹងកេងកងទី៣ ខណ្ឌចំការមន។
តាមប្រភពពីសមត្ថកិច្ចបានប្រាប់ឱ្យដឹងថា មុនពេលកើតហេតុ គេបានឃើញរថយន្តមួយគ្រឿងម៉ាកកាមរីបាឡែន ពណ៌ខ្មៅ ពាក់ស្លាកលេខ ភ្នំពេញ ២U-២៨០៥ ដែលបើកបរដោយបុរសម្នាក់ ធ្វើដំណើរតាមបណ្តោយផ្លូវលេខ១៤៣ ក្នុងទិសដៅពីជើងទៅត្បូង ស្របពេលនោះក៏មានរថយន្តស៊េរីទំនើបមួយគ្រឿងម៉ាកស៊ីណា ពណ៌ស ពាក់ស្លាកលេខ ភ្នំពេញ ២AA-៦១១៩ ដែលបើកបរដោយបុរសម្នាក់ (គាត់ជាអ្នកបើកបររថយន្តឱ្យគេ) ដឹកក្មេងៗពីសាលារៀនតាមបណ្តោយផ្លូវលេខ៣១០ ក្នុងទិសដៅពីកើតទៅលិចនោះ។
តាមប្រភពដដែលបានប្រាប់បន្តទៀតថា លុះមកដល់ចំណុចខាងលើដែលជាចំណុចផ្លូវបំបែកនោះ រថយន្តស៊េរីទំនើបម៉ាកស៊ីណាក៏បានបើកបត់ឆ្វេង និងជ្រុលទៅបុករថយន្តម៉ាកកាមរីបាឡែនដែលកំពុងតែធ្វើដំណើរតាមផ្លូវត្រង់នោះពេញទំហឹង បណ្តាលឱ្យរថយន្តកាមរីបាឡែនរងការខូចខាតក្រពឹតផ្នែកខាងឆ្វេងមួយចំហៀង ហើយរថយន្តម៉ាកស៊ីណានោះក៏រងការខូចខាតក្រពឹត និងធ្លាក់កាងខាងមុខផងដែរ ។
ក្រោយពេលកើតហេតុ កម្លាំងមានសមត្ថកិច្ចមូលដ្ឋាន និងចរាចរណ៍ខណ្ឌចំការមនក៏បានចុះមកដល់កន្លែងកើតហេតុធ្វើការវាស់វែង និងយករថយន្តរទាំងពីរគ្រឿងទៅចតលើចិញ្ចើមផ្លូវ ហើយអោយភាគីរថយន្តទាំងពីរគ្រឿងធ្វើការដោះស្រាយគ្នាអស់រយៈពេលជាង១ម៉ោងនៅតែមិនត្រូវគ្នា និងនិយាយប្រកែកគ្នាយកតែត្រូវរៀងៗខ្លួននោះ ទើបសម្រេចបញ្ជូនយកទៅកាន់អធិការដ្ឋាននគរបាលខណ្ឌដើម្បីរង់ចាំធ្វើការដោះស្រាយគ្នាជាក្រោយទៀតផងដែរ ៕
ចែករំលែកព័តមាននេះ