រាជធានីភ្នំពេញ ៖ ព្រឹត្តិការណ៍ប្រកួតបាល់ទាត់ពិភពលោកឆ្នាំ២០១៨ ដែលប្រទេសរុស្ស៊ីធ្វើជាម្ចាស់ផ្ទះ បានបញ្ចប់ហើយ ក្នុងនោះបារាំង បានបំបែកឯតទគ្គកម្មរបស់ខ្លួន ដែលខកខានលើពាន World Cup នេះ ចាប់តាំងពីឆ្នាំ១៩៩៨មក ។
ប្រសិនបើលោកអ្នកនិយមគាំទ្រវិស័យកីឡាបាល់ទាត់នេះ ប្រាកដជាបានតាមដាន និងទស្សនាការប្រកួតដ៏ជក់ចិត្តនេះតាំងពីដើមរហូតដល់ចប់មិនខាន ព្រោះថា នៅព្រះរាជាណាចក្រកម្ពុជាយើងមានការផ្សាយផ្ទាល់តាមកញ្ចក់ទូរទស្សន៍ និងផ្ទាំងស្គ្រីននៅតាមទីសាធារណៈជាច្រើន ដោយមានការឧបត្ថម្ភធំ និងផ្ដាច់មុខពីក្រុមហ៊ុនស្រាបៀកម្ពុជា ។
អ្វីដែលកាន់តែពិសេសនោះ គឺក្នុងវគ្គប្រកួតផ្ដាច់ព្រ័ត្រនៃក្រុមជម្រើសជាតិបារាំង និងជម្រើសជាតិក្រូអាទី ដែលបានបញ្ចប់កាលពីថ្ងៃទី១៥ កក្កដា កន្លងទៅនេះ ក្រុមហ៊ុនស្រាបៀកម្ពុជា បានរៀបចំកម្មវិធីផ្សាយផ្ទាល់ដ៏ពិសេសមួយ និងមិនធ្លាប់មានពីមុនមក ដែលបង្កបរិយាកាសរីករាយដល់បងប្អូននិយមគាំទ្រវិស័យកីឡាបាល់ទាត់បានទស្សនាបណ្ដើរ និងក្រេបរសជាតិស្រាបៀកម្ពុជាបណ្ដើរ ដោយមានការបញ្ចុះតម្លៃយ៉ាងពិសេស។
ក្នុងនោះយើងបានផ្សាយផ្ទាល់នៅទីតាំងចំនួន៥កន្លែង គឺនៅភ្នំពេញចំនួន៤កន្លែង និងនៅសណ្ឋាគារ Le Meridian ខេត្តសៀមរាប មួយកន្លែង ដោយមានការចូលរួមសម្ដែងពីតារាចម្រៀងវ័យក្មេងដែលកំពុងមានការគាំទ្រយ៉ាងខ្លាំងពីមិត្តយុវវ័យដូចជា លោក Step, លោក ឃី សុឃុន និងក្រុមតន្ត្រីដ៏ល្បី ផងដែរ ។
ក្នុងនាមជាក្រុមហ៊ុនស្រាបៀតែមួយគត់ដែលវិនិយោគដោយកូនខ្មែរសុទ្ធសាធ១០០% និងកំពុងមានការគាំទ្រយ៉ាងខ្លាំងពីសំណាក់បងប្អូនខ្មែរ យើងបានរួមសុខរួមទុក្ខ និងគាំទ្ររាល់សកម្មភាពនានានៅក្នុងសង្គម ព្រមទាំងធ្វើជាអ្នកឧបត្ថម្ភធំនៅក្នុងកម្មវិធី និងព្រឹត្តិការណ៍អន្តរជាតិនានា ដើម្បីពាំនាំភាពសប្បាយរីករាយដល់បងប្អូនខ្មែរ ព្រោះយើងមានឈាមជ័រជាខ្មែរដូចគ្នា ៕
ចែករំលែកព័តមាននេះ