ខេត្តស្ទឹងត្រែង ៖ ប្រជានេសាទភាគច្រើន ជាជនជាតិខ្មែរអ៊ិស្លាម មានរាប់សិបគ្រួសារបានផុសផុលមកធ្វើតូប និងខ្ទមជាច្រើនជាមួយមុខរបរនេសាទត្រីនៅទន្លេសេសាន ក្រោមទំបន់វារីអគ្គិសនីសេសានក្រោមពីរដោយទិន្នផលនៃការនេសាទឃើញលទ្ធផលប្រមូលបានខ្ពស់ ។
ទូកនេសាទត្រៀបត្រាលើផ្ទៃទឹក ប្រើប្រាស់ដោយមងក្រឡាចាប់ត្រីរាប់តោនក្នុងមួយថ្ងៃ ក្នុងនោះរួមមានប្រភេទត្រីស្រកា និងត្រីរំអិលក្នុងតម្លៃខុសគ្នា។ អ្នកនេសាទប្រមូលផ្តុំនៅចំណុចស្រែតាចាន់ ភូមិច្រប់ ឃុំក្បាលរមាស ស្រុកសេសាន បានទម្លាក់ត្រីទៅឈ្មួញកណ្តាល ក្នុងតម្លៃមួយពាន់ប្រាំរៀល ទៅពីរពាន់រៀលសម្រាប់ត្រីស្រកាតូចៗ និងតម្លៃប្រាំពីរពាន់រៀល សម្រាប់ត្រីស្រកាធំចម្រុះ ក្នុងមួយគីឡូក្រាម ។ ដោយឡែក ត្រីរំអិលមានដូចជាត្រីកេស ត្រីតាអោនធំៗ តម្លៃ១មឺុនពីរពាន់រៀល ក្នុងមួយគីឡូក្រាម ។
ជាមួយការនេសាទ នៅរដូវបិទនេសាទក្នុងដំណើរទស្សនៈកិច្ចសំណេះសំណាលជាមួយប្រជាពលរដ្ឋស្ទើគ្រប់ទីកន្លែងក្នុងខេត្តស្ទឹងត្រែង លោកឡូយ សុផាត អ្នកតំណាងរាស្ត្រមណ្ឌលខេត្តស្ទឹងត្រែង បានស្នើសុំប្រជាពលរដ្ឋ មេត្តាកុំបរិភោគត្រីពង ក្នុងរដូវបិតនេសាទ ព្រោះទុកឱកាសឱ្យពពួកត្រីគ្រប់ប្រភេទពងកូននិងបន្តពូជតទៅទៀត ។
លោកបានពន្យល់ថា បើយើងបរិភោគត្រីពងតែមួយក្បាល មានន័យថា យើងបរិភោគត្រីរាប់ម៉ឺនរាប់សែនក្បាល ហើយវាមិនឆ្អែត មិនឆ្ងាញ់ដូចបរិភោគត្រីធំមួយក្បាលនោះឡើយ ។ បើដូច្នេះ បើយើងមិនបរិភោគត្រីពង យើងនឹងអាចបង្កើនពូជត្រី ឱ្យកាន់តែសំបូរ ពេលនោះយើងមិនខ្វះត្រីហូប ហើយត្រីកាន់តែមានតម្លៃថោកអាចឱ្យប្រជាពលរដ្ឋមានលទ្ធភាពទិញត្រីល្អៗ ហូបបានគ្រប់គ្នា ។
លោក ទុំ នីរ៉ូ នាយខណ្ឌជលផលបានអោយថា ត្រីមានចំនួនពងនិងកូនខុសៗគ្នាទៅតាមប្រភេទត្រីនីមួយៗតែគិតជារួមត្រីមេ១ក្បាល មានពងចន្លោះពីមួយសែនទៅប្រាំសែនពង ។ ហើយចំនួនពងត្រីទាំងនេះ វាអាចញាស់ ចេញបានជាជាត្រី រស់រានមានជីវិត ចំនួយតិចបំផុតគឺប្រហែ១០ភាគរយប៉ុណ្ណោះ ពីព្រោះពងត្រីទាំងនោះអាចបាត់បង់ទៅវិញ ដូចជាពពួកសត្វផ្សេងៗទៀត សុីជាអាហារនិងញាស់ចេញជាកូនត្រី ក៏ត្រូវ
ពពួកត្រីគ្នា វានិងសត្វផ្សេងទៀ ឥតសុីជាអាហារបន្តទៀត។
លោកបន្តថា ខេត្តស្ទឹងត្រែងបានបិទការនេសាទនៅថ្ងៃទី០១ ខែឧសភា ដល់ថ្ងៃទី៣០ ខែកញ្ញា ជារៀលរាល់ឆ្នាំ ។
ចែករំលែកព័តមាននេះ