ខេត្តកំពង់ស្ពឺ ៖ យុវជនម្នាក់បានចង.កសម្លាប់ខ្លួននឹងខ្សែភ្លើងនៅជាប់ធ្នឹមផ្ទះ ដោយបានរៀបរាប់សុំទិសឱពុកម្តាយហើយផ្តាំអោយសង្សាមកមើលសពខ្លួនផងនោះគេស្លាប់ទៅបិតភ្នែកជិតហើយ។ ករណីអត្តឃាតនេះបង្កការភ្ញាក់ផ្អើលកាលពី៦និង៣០នាទីព្រឹក ថ្ងៃទី១៨ ខែកក្កដា ឆ្នាំ២០១៨ ស្ថិតនៅភូមិរលាំងចក ឃុំរលាំងគ្រើល ស្រុកសំរោងទង ។
ប្រភពពីសមត្ថកិច្ចបានឱ្យដឹងថា មុនពេលភ្ញាក់ផ្អើល ឈ្មោះ ណូច ណេន ភេទស្រី អាយុ៧០ឆ្នាំ (ជីដូន) បានឡើងទៅលើផ្ទះ ស្រាប់តែប្រទះឃើញចៅរបស់ខ្លួន ឈ្មោះ រឿន សាមុត ភេទប្រុស អាយុ១៧ឆ្នាំ បានចង.កសម្លាប់ខ្លួននឹងខ្សែភ្លើងជាប់ធ្នឹមលើផ្ទះស្លាប់បាត់ទៅហើយ ក្រោយប្រទះឃើញក៏បានរាយការណ៍ទៅសមត្ថកិច្ចឱ្យចុះមកពិនិត្យ។
ក្រោយកើតហេតុជំនាញបានធ្វើការពិនិត្យទៅលើសពគ្មានស្លាកស្នាមអ្វីទាំងអស់ ហើយបានសន្និដ្ឋានថា ជនរងគ្រោះពិតជាបានចង.កសម្លាប់ខ្លួនឯងពិតប្រាកដមែន។ ហើយការធ្វើអត្តឃាតនេះ ត្រូវបានក្រុមគ្រួសារដាក់ការសង្ស័យថា មូលហេតុមានវិបត្តរផ្លូវចិត្ត។
គួរបញ្ជាក់ថា ជនរងគ្រោះមុនពេលស្លាប់បានបន្សល់ទុកសំបុត្រមួយច្បាប់ ដោយបានរៀបរាប់សុំទោសឱពុកម្តាយថា ខ្លួនមិនបានការធ្វើឱ្យឱពុកម្តាយខ្មាស់គេដោយសារតែខ្លួន។ ជាងនេះទៅទៀត គឺចុងក្រោយគេបានផ្តាំទៅឱពុករបស់គេថា ពេលខ្លួនស្លាប់ទៅ សូមប្រាប់ទៅសង្សារ របស់គេឱ្យមកមើលសពគេផង ទើបគេស្លាប់ទៅបិទភ្នែកជិត។
ក្រុមគ្រួសាជនរងគ្រោះបានប្រាប់ផងដែរថា គ្មាននរណាម្នាក់ដឹងថា នារីជាសង្សារបស់ជនរងគ្រោះជាអ្នកណា ហើយឈ្មោះអ្វី នៅឯណានោះទេ៕
ចែករំលែកព័តមាននេះ