ប្រទេសឥណ្ឌា ៖ប៉ូលិសរាយការណ៍ថា មនុស្សយ៉ាងតិច២០នាក់ស្លាប់ ដោយសារការបាក់អគារស្នាក់នៅមួយ កាលពីយប់ចូលថ្ងៃទី១៨ កក្កដា ស្ថិតនៅជិតទីក្រុងញូវដែល្លី រដ្ឋធានីប្រទេសឥណ្ឌា ។
សោកនាដកម្មនេះ កើតមាននៅទីក្រុង GREATER NODIA រដ្ឋអ៊ុតតាប្រាដេស ភាគខាងជើងប្រទេស ចម្ងាយ៤៥គីឡូម៉ែត្ រពីទីក្រុងញូវដែល្លី។
ប៉ូលិសនិយាយថា អគារកម្ពស់៦ជាន់នោះ ស្ថិតក្នុងសង្កាត់ SHAH BERI បានរលំបាក់ពេលមនុស្សកំពុងដេកលង់លក់ ។ មនុស្សប្រមាណជា២០នាក់ទៀត ក្នុងគ្រួសារ៥កំពុងតែជាប់ក្រោមគំនរបាក់បែក ។
យោងតាមបណ្ដាសារព័ត៌មានក្នុងស្រុកថា ពួកអ្នកពន្លត់ភ្លើង និងពួកអ្នកជួយសង្គ្រោះវិជ្ជាជីវៈ ត្រូវបានបញ្ជូនទៅ ដើម្បីជួយសង្គ្រោះមនុស្សទាំងឡាយ ដែលជាប់ក្រោមគំនរបាក់បែក ព្រោះពួកគេកំពុងដេកលក់ពេលអគារបាក់ ។
ការបាក់អគារតែងកើតមានញឹកញាប់នៅឥណ្ឌា ដោយសារការប្រើប្រាស់សម្ភារគ្មានគុណភាពហើយការសាងសង់ពុំត្រឹមត្រូវតាមស្តង់ដា ។
ចែករំលែកព័តមាននេះ