ប្រទេសថៃ ៖ កុមារទាំង១២នាក់ ស្ថិតក្នុងក្រុមបាល់ទាត់ជ្រូកព្រៃ និងគ្រូបង្វឹកពួកគេ ក្រោយនាំចេញពីរូងភ្នំទឹកលិចមួយនៅថៃ កាលពីសប្ដាហ៍មុន រួចបញ្ជូនទៅសង្គ្រោះមន្ទីរពេទ្យបានធូរស្បើយហើយនោះ ត្រូវបានបង្ហាញខ្លួនជាសាធារណៈលើកដំបូង ក្នុងសន្និសីទសារព័ត៌មានមួយឯឈៀងរ៉ៃ…
ប្រទេសថៃ ៖ កុមារទាំង១២នាក់ ស្ថិតក្នុងក្រុមបាល់ទាត់ជ្រូកព្រៃ និងគ្រូបង្វឹកពួកគេ ក្រោយនាំចេញពីរូងភ្នំទឹកលិចមួយនៅថៃ កាលពីសប្ដាហ៍មុន រួចបញ្ជូនទៅសង្គ្រោះមន្ទីរពេទ្យបានធូរស្បើយហើយនោះ ត្រូវបានបង្ហាញខ្លួនជាសាធារណៈលើកដំបូង ក្នុងសន្និសីទសារព័ត៌មានមួយឯឈៀងរ៉ៃ ។
ក្មេងទាំងនេះ គឺមានអាយុពី១១ ទៅ១៦ឆ្នាំ និងគ្រូបង្វឹកបាល់ទាត់ពួកគេអាយុ២៥ឆ្នាំ ត្រូវបាននាំចេញពីរូងភ្នំថាំហ្លួងទឹកលិច ដោយប្រតិបត្តិការអន្តរជាតិយ៉ាងស្មុគស្មាញមួយ តាមដានដោយសារព័ត៌មាននៃពិភពលោកទាំងមូល ។ ជិត៣សប្ដាហ៍ ស្ថិតជាប់ក្នុងរូងភ្នំ បន្ទាប់ពីនាំពួកគេចេញទៅកាន់មន្ទីរមន្ទីរពេទ្យឈៀងរ៉ៃ ។
រដ្ឋាភិបាលថៃផ្ដល់ពេល៤៥នាទី សម្រាប់កម្មវិធីទូរទស្សន៍ «ថៃនឹងដើរទៅមុខ» ប៉ុន្តែសន្និសីទសារព័ត៌មានដែលចាប់ផ្ដើម នាវេលាម៉ោង១៨ម៉ោងក្នុងស្រុក ក៏ផ្សាយបន្តផ្ទាល់ដោយទូរទស្សន៍ជាច្រើនផងដែរ ។
ចំពោះសំណួរទាំងឡាយ ដែលសួរកុមារទាំងនេះ គ្រូបង្វឹកពួកគេ ព្រមទាំងអ្នកជួយសង្គ្រោះមួយចំនួន ត្រូវប្រគល់ឱ្យមុន ។ ម្យ៉ាងទៀត អាជ្ញាធរស្នើដល់បណ្ដាសារព័ត៌មាននិងសាធារណៈជន ឱ្យគោរពសិទ្ធិឯកជនរបស់ពួកគេ។
អ្នកនាំពាក្យរដ្ឋាភិបាលថៃ លោក SUNSERN KAEWKUMNERD ថ្លែងទៅកាន់AFPថា នេះជាការអនុញ្ញាតឱ្យបណ្ដាសារព័ត៌មានសួរសំណួរនានា ហើយបន្ទាប់ពីនេះមក ពួកគេនឹងវិលទៅរកជីវភាពធម្មតាវិញ ដោយបណ្ដាសារព័ត៌មានមិនទៅរំខានពួកគេទៀតទេ ។
ក្មេងប្រុសទាំងនេះនិងគ្រូបាល់ទាត់ ស្ថិតក្នុងមន្ទីរពេទ្យឈៀងរ៉ៃជាងមួយសប្ដាហ៍មកហើយ ដំបូងពួកគេត្រូវពាក់វ៉ែនតា ការពារពន្លឺព្រះអាទិត្យ ព្រោះខ្លាចមានបញ្ហាភ្នែក ក្រោយពួកគេពុំឃើញពន្លឺព្រះអាទិត្យយូរពេលជាប់ក្នុងរូងភ្នំ។
ក្រោយសន្និសីទសារព័ត៌មាន ដែលដាក់រហស្សនាមផ្លូវការថា «បញ្ជូនក្រុមជ្រូកព្រៃទៅផ្ទះវិញ» បើតាមអ្នកនាំពាក្យរដ្ឋាភិបាលថា ពួកគេនឹងវិលត្រឡប់ទៅផ្ទះវិញ ។ ប្រមុខរបបយោធាថៃ លោកប្រាយុទ្ធ ចាន់អូចា បានព្រមានចំពោះបណ្ដាអ្នកកាសែត ចៀសវាងកុំសួរសំណួរមិនសំខាន់ទាំងឡាយ ។
ចែករំលែកព័តមាននេះ