យោងទៅតាមសេចក្តីរាយការណ៍របស់សារព័ត៌មាន The Daily Telegraph បានឲ្យដឹងថា តែបៃតងមានជាប់ទាក់ទងនឹងជំងឺមហារីកអាចធ្វើឲ្យស្លាប់លើអ្នកជក់បារី និងញ៉ាំគ្រឿងស្រវឹងដែរ។
អ្នកស្រាវជ្រាវបានរកឃើញថា អ្នកដែលញ៉ាំតែរាល់ថ្ងៃក្នុងប្រទេសចិន ដែលពួកគេក៏បានញ៉ាំគ្រឿងស្រវឹងជិតពីរកំប៉ុងក្នុងមួយថ្ងៃ និងអ្នកជក់បារី ទំនងជាមានអាការកើតជំងឺមហារីកបំពង់លើក្រពះ (Esophagus) បើសិនជាពួកគេបានញ៉ាំតែដែលក្តៅបំផុត ។ អ្នកដែលញ៉ាំតែក្តៅរាល់ថ្ងៃ តែមិនជក់បារី ឬញ៉ាំគ្រឿងស្រវឹងរាល់ថ្ងៃគឺមិនមានការប្រឈមខ្ពស់នឹងជំងឺមហារីកបំពង់លើក្រពះទេ ។
វាមិនទាន់ច្បាស់ថាតើការសិក្សានេះនិយាយពាក់ព័ន្ធទៅលើមនុស្សដែលរស់នៅក្នុងប្រទេសអង់គ្លេសឬអត់ឡើយ ។ ប្រភេទជំងឺមហារីកបំពង់លើក្រពះដែលកើតមាននៅប្រទេសចិនជាពិសេស (Squamous Cell Carcinoma) គឺមិនមានញឹកញាប់លើប្រជាជនអង់គ្លេសទេ ដែលករណីភាគច្រើនគឺជាប្រភេទ Adenocarcinoma។ អ្នកដែលរស់នៅប្រទេសអង់គ្លេសប្រហែលជាមិនញ៉ាំតែ ក្តៅៗដែរ ជាពិសេសពេលលាយជាមួយទឹកដោះគោតែម្តង ។
កត្តាប្រឈមមុខដ៏សំខាន់របស់ជំងឺមហារីកបំពង់លើក្រពះគឺជាការជក់បារី ញ៉ាំគ្រឿងស្រវឹង ធាត់ជ្រុល និងការច្រាលអាស៊ីតពីក្រពះ ។ អ្នកដែលចង់បន្ថយការប្រឈមកុំឲ្យកើតជំងឺមហារីកនេះត្រូវបានគេណែនាំថា កុំបារម្ភច្រើនថាពួកគេញ៉ាំតែច្រើនប៉ុនណាអី។
ពិតណាស់ វាមិនមែនជារឿងល្អឡើយក្នុងការធ្វើឲ្យមាត់រលាកច្រើនដងជាមួយភេសជ្ជៈ ក្តៅៗ ដូច្នេះអ្នកក៏អាចចៀសផុតពីការមានរបួសនៅមាត់បានទៀត (ស្រង់ពីគេហទំព័រសុខភាព) ៕
ចែករំលែកព័តមាននេះ