ខេត្តព្រះសីហនុ ៖ សេចក្តីរាយការណ៍បឋមឱ្យដឹងបន្តថា គិតត្រឹមម៉ោង២រសៀលថ្ងៃទី១៨ កក្កដា នេះ ស្ថានភាពទឹកគឺនៅបន្តជន់លិចខ្លាំង ហើយការធ្វើចរាចរណ៍ ក៏ត្រូវបានអាជ្ញាធរផ្អាកបណ្តោះអាសន្នដដែល ស្ថិតលើកំណាត់ផ្លូវជាតិលេខ៤…
ខេត្តព្រះសីហនុ ៖ សេចក្តីរាយការណ៍បឋមឱ្យដឹងបន្តថា គិតត្រឹមម៉ោង២រសៀលថ្ងៃទី១៨ កក្កដា នេះ ស្ថានភាពទឹកគឺនៅបន្តជន់លិចខ្លាំង ហើយការធ្វើចរាចរណ៍ ក៏ត្រូវបានអាជ្ញាធរផ្អាកបណ្តោះអាសន្នដដែល ស្ថិតលើកំណាត់ផ្លូវជាតិលេខ៤ ត្រង់ចំណុចស្ពានស្ទឹងសំរោង ឃុំអូបាក់រទេះ ស្រុកកំពង់សិលា ខេត្តព្រះសីហនុ ។
គួរកត់សម្គាល់ដែរថា បញ្ហាទឹកជំនន់ក្នុងឆ្នាំនេះ ហាក់មានសភាពខ្លាំងជាងឆ្នាំកន្លងទៅទ្វេដង ដែលធ្វើឱ្យពលរដ្ឋប្រមាណ៤១០គ្រួសារ ដែលមានលំនៅឋានក្បែរនោះ ត្រូវរងផលបះពាល់និងពិបាកក្នុងការធ្វើដំណើរចេញ-ចូល ដើម្បីប្រកបរបរប្រចាំថ្ងៃរបស់ពួកគាត់ ។
អាកាសនៅតែបន្តភ្លៀងរាំងៗ ហើយទឹកជំនន់ក៏នៅបន្តគ្របដណ្តប់ផ្លូវមានប្រវែងជិត៧០០ម៉ែត្រ ។ ការលិចលង់នេះ ត្រូវបានអាជ្ញាធរខេត្តអះអាងថា មិនមានជំរើសជីកស្តារ ដើម្បីបង្ហូរទឹកជំនន់នេះ ឱ្យស្រកលឿនបានទេ ព្រោះនេះគឺធម្មជាតិ ហូរចុះពីតំបន់ភ្នំខ្លាំង បើនៅតែភ្លៀង គឺលិចបន្ត បើរាំងអាចឆាប់ស្រកវិញ ។
ជាមួយនិងប្រជាពលរដ្ឋ ដែលកំពុងរងផលប៉ះពាល់នេះ ក៏ត្រូវបានយកចិត្តទុកដាក់ពីសំណាក់កាកបាទក្រហមកម្ពុជាសាខាខេត្តព្រះសីហនុ ដោយមានការចែកអំណោយខ្លះៗ ដើម្បីសង្គ្រោះបឋម ។
ចែករំលែកព័តមាននេះ